ကော့ကရိတ်မြို့ အာရှလမ်းမကြီးဘေး ကော့နွဲ့ရွာမှာ တပ်စွဲထားတဲ့ စစ်ကောင်စီ တပ်စခန်းကို ဒီနေ့မနက် တိုက်ခိုက်မှုမှာ KNU နဲ့ ပူးပေါင်းတပ်တွေက သိမ်းယူနိုင်ခဲ့ပြီး တိုက်ပွဲတွေဆက်လက်ဖြစ်ပွားနေတယ်လို့ KNU စစ်ရေးသတင်းရစ်မြစ်ထံကသိရပါတယ်။
ကော့နွဲရွာ ဟာ ကော့ကရိတ်မြို့ အရှေ့ဘက်မှာ ရှိပါတယ်။
ဒီနေ့မနက်စောအပိုင်းမှာ ကော့ကရိတ်မြို့တွင်း၊ မြို့ပြင် မှာ တပ်စွဲထားတဲ့ စစ်ကောင်စီတပ်စခန်းတွေကို KNUနဲ့ ပူး ပေါင်းတပ်တွေက ဝင်ရောက်တိုက်ခိုက်နေတာပါ။
စစ်ကောင်စီဘက်ကလည်း လက်နက်ကြီးနဲ့ လေကြောင်းပစ်ကူယူကာတန်ပြန်တိုက်ခိုက်နေတာတွေရှိပြီး အရပ်သားထိခိုက်သေဆုံးမှုတွေလည်းရှိနေတယ်လို့သိရပါတယ်။
ထိုင်း − မြန်မာ နယ်စပ်ကုန်သွယ်ရေးလမ်းကြောင်းပေါ်မှာရှိတဲ့ ကော့ကရိတ် မြို့က ဌာနဆိုင်ရာဝန်ထမ်းတွေ တစ်ပတ်အတွင်း ထွက်ခွာဖို့ KNU က နိုဝင်ဘာလ ၁၇ ရက်မှာ နောက်ဆုံးအကြိမ် သတိပေးပြီးနောက် အခုလိုဝင်ရောက်တိုက်ခိုက်တာလည်းဖြစ်ပါတယ်။
Public Service Announcement
ကော့ကရိတ်ဟာ KNU တပ်မဟာ ၆ စစ်ရေးလှုပ်ရှားရာ နယ်မြေထဲမှာရှိတယ်လို့သိရပါတယ်။
