▪︎NUG နှင့် တိုင်းရင်းသားလက်နက်ကိုင်တပ်ဖွဲ့များ အပါအဝင် အဖွဲ့အစည်း ၊ ပုဂ္ဂိုလ် ၃၀ကျော် ဝမ်းနည်းကြောင်း သဝဏ်လွှာပေးပို့
ဟန်နွေ/People’s Spring
ကချင်လွတ်လပ်ရေးအဖွဲ့ / ကချင်လွတ်လပ်ရေးတပ်မတော် (KIO/KIA)စစ်ဦးစီးချုပ် ဒုတိယဗိုလ်ချုပ်ကြီး ခေါင်လွမ်း၏ ဈာပနအခမ်းအနားကိုယနေ့(မေလ ၁၆ရက်)တွင် ကျင်းပခဲ့ကြောင်း ကချင်သတင်းရင်းမြစ်က ပြောပြသည်။
အဆိုပါ အခမ်းအနားသို့ အမျိုးသားညီညွတ်ရေးအစိုးရ (NUG) အပါအဝင် တိုင်းရင်းသားလက်နက်ကိုင်တပ်ဖွဲ့များများ၊ တော်လှန်ရေးအင်အားစုများက ဝမ်းနည်းကြောင်းသဝဏ်လွှာပေးပို့ခဲ့ရာ ပေးပို့သည့် သဝဏ်လွှာ ၃၀ ကျော်ရရှိကြောင်း KIA သတင်းပြန်ကြားရေးဌာနက အသိပေးဖော်ပြထားသည်။
![သဝဏ်လွှာပေးပို့သော အဖွဲ့အစည်းနှင့် လူပုဂ္ဂိုလ်များစာရင်း](https://i0.wp.com/www.ludunwayoo.com/wp-content/uploads/2024/05/441077509_781512147380913_2180698419998943255_n.jpg?resize=880%2C1003&ssl=1)
![သဝဏ်လွှာပေးပို့သော အဖွဲ့အစည်းနှင့် လူပုဂ္ဂိုလ်များစာရင်း](https://i0.wp.com/www.ludunwayoo.com/wp-content/uploads/2024/05/441070745_781512194047575_1524803944013895530_n.jpg?resize=880%2C1003&ssl=1)
KIAက ဖော်ပြခဲ့သည့် သဝဏ်လွှာလက်ခံရရှိမှု ဇယားအရ NUG၊ ကရင်အမျိုးသားအစည်းအရုံး (KNU)၊ ၀တပ်(UWSA)၊ မိုင်းလားတပ်(NDAA)၊ ရှမ်းတပ်(SSPP)၊ တအာင်း(TNLA)၊ ကိုးကန့် MNDAA နှင့် ရက္ခိုင် AA တပ်များ ပါဝင်သည့် ညီနောင်မဟာမိတ် ၃ဖွဲ့၊ ချင်းတပ်ဖွဲ့(CNF) ကရင်နီတပ် KNPP၊ ကျောင်းသားတပ် ABSDF၊ ရက္ခိုင်ပြည်အမျိုးသားကောင်စီ(ANC/AA) စသည့် အဖွဲ့များ သဝဏ်လွှာပေးပို့ထားသည်ကို တွေ့ရသည်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
ထို့ပြင် ပြည်ထောင်စုလွှတ်တော် ကိုယ်စားပြု ကော်မတီ(CRPH)ရှမ်းတိုင်းရင်းသားများဒီမိုကရေစီအဖွဲ့ချုပ်(SNLD)မွန်ပြည်ဖက်ဒရယ်ကောင်စီ(MSFC) တို့ ကလည်း သဝဏ်လွှာပေးပို့ခဲ့ကြပြီး သဝဏ်လွှာ ၃၁စောင့် လက်ခံရရှိထားကြောင်း KIA သတင်းပြန်ကြားရေးက ဖော်ပြသည်။KNU/KNLA ဒုတိယစစ်ဦးစီးချုပ် ဒုဗိုလ်ချုပ်ကြီး ဘောကျော်ဟဲကလည်း သဝဏ်လွှာပေးပို့ထားကြောင်းသိရသည်။
KIAဖော်ပြသည့် ဇယား၌ ပါဝင်ခြင်းမရှိသော်လည်း မွန်တော်လှန်ရေးတပ် ဖွဲ့ဖြစ်သော မွန်ပြည်သစ်ပါတီ(စစ်အာဏာရှင်တိုက်ဖျက်ရေး)-NMSP-AD တပ်ကလည်း ဝမ်းနည်းကြောင်း သဝဏ်လွှာ ပေးပို့သည်။ ဝါရင့်မွန်တော်လှရေးတပ်ဖွဲ့ဖြစ်သော NMSP တပ်က သဝဏ်လွှာပေးပို့မှုကို မတွေ့ရပေ။ NMSP-ADသည် NMSPမှ ခွဲထွက်လာသည့် တပ်ဖြစ်သည်။
KIA စစ်ဦးစီးချုပ်ဒုဗိုလ်ချုပ်ကြီးခေါင်လွန်းသည် မေလ ၁၃ရက်ညနေတွင် အသဲရောဂါဖြင့် ကွယ်လွန်သွားခြင်းဖြစ်သည်။
(KIA စစ်ဦးစီးချုပ်ဒုဗိုလ်ချုပ်ကြီးခေါင်လွန်း၏ နာရေးအခမ်းအနားအတွက်ပြင်ဆင်ထားမှုနှင့် သဝဏ်လွှာပေးပို့သော အဖွဲ့အစည်းနှင့် လူပုဂ္ဂိုလ်များစာရင်း။ဓါတ်ပုံ-ဗိုလ်ချုပ်ဂွန်မော်FB ၊ The Kachin Net)
![](https://i1.wp.com/ludunwayoo.com/wp-content/uploads/2021/08/banner-logo1-50px.png)