ဩဂုတ်-၄၊ ၂၀၂၅။ ထားမြတ်/People’s Spring
ကချင်လွတ်လပ်ရေးအဖွဲ့(KIO/KIA)ဌာနချုပ် လိုင်ဇာအနီးဝန်းကျင်တွင် မကြုံစဖူးရေကြီးနေကြောင်း ဒေသသတင်းရင်းမြစ်က ပြောသည်။
ဩဂုတ်၃ရက်ညသန်းခေါင်ကစ၍ ရေတက်လာခြင်းဖြစ်ကြောင်းပြော သည်။
“မနက်အစောပိုင်း ရေကြီးနေတယ်။ လိုင်ဇာ တရုတ်နယ်စပ်တကြောမှာ။ အခု Videoက မနက် ခြောက်နာရီကျော် အခြေအနေ။ ဒီလောက်ရေကြီးတာ တခါမှမမြင်ဖူးဘူး။ အရင် ရေကြီးတာ ရှိတယ်။ ခုလောက်မကြီးဘူး။ထိခိုက်ပျက်စီးများနိုင်တယ်”ဟု ဒေသ သတင်းရင်းမြစ်က ပြောသည်။
Public Service Announcement
ယခု ရေကြီးမှုအတွင်း မော်တော်ကားအချို့ ရေထဲမျောပါသွားဟုလည်း သတင်းရင်းမြစ်က ပြောသည်။
လိုင်ဇာဒေသရေဘေးကြောင့် လူထိခိုက်သေဆုံးနှင့်နေအိမ်ပျက်စီးမှုရှိမရှိအခြေအနေများကို ဆက်လက်စုံစမ်းနေဆဲဖြစ်သည်။
ဇူလိုင်အတွင်းကလည်း ၀လက်နက်ကိုင်တပ် UWSA ထိန်းချုပ်နယ်မြေ မိုင်းမောက်ဒေသတွင် ရေကြီးမှုကြောင့် လူသေဆုံးထိခိုက်မှုရှိခဲ့သည်။
ထို့အပြင်ရှမ်းပြည်နယ်တောင်ပိုင်းရှိဓနုကိုယ်ပိုင်အုပ်ချုပ်ခွင့်ရဒေသ၊ပင်းတယမြို့တွင်လည်း ဇူလိုင်လ ၂၇ ရက်ညနက်ပိုင်းကတောင်ကျရေကြောင့် ဒေသခံ ရှစ်ဦးသေဆုံးပြီးနေအိမ်အချို့ ပျက်စီးခဲ့သည်။
ကရင်အမျိုးသားအစည်းအရုံး(KNU)ညောင်လေးပင်ခရိုင် တပ်မဟာ (၃)နယ်မြေတွင်လည်းရေကြီးမှုဆိုးဝါးစွာဖြစ်နေ၍ နေအိမ် များမျောပါပြီးကျေးရာများနှင့်လယ်ဧကများစွာ နစ်မြုပ်လက်ရှိဟု KNUက အသိပေးထားသည်။
ထို့အပြင်ရှမ်းပြည်နယ်တောင်ပိုင်းရှိဓနုကိုယ်ပိုင်အုပ်ချုပ်ခွင့်ရဒေသ၊ပင်းတယမြို့တွင်လည်း ဇူလိုင်လ ၂၇ ရက်ညနက်ပိုင်းကတောင်ကျရေကြောင့် ဒေသခံ ရှစ်ဦးသေဆုံးပြီးနေအိမ်အချို့ ပျက်စီးခဲ့သည်။
