သတင်း
စစ်ကောင်စီကလုပ်ငန်းရှင်များ၏ ပို့ကုန်ရငွေများကိုတစ်ဒေါ်လာ၂၁၀၀ ကျပ်ဖြင့် အတင်းအကျပ်ရောင်းဝယ်ခိုင်းသော်လည်း ပြင်ပပေါက်ဈေးတွင် တစ်ဒေါ်လာကို ၃၁၀၀ ကျပ်ဝန်းကျင်ရှိနေသည်။
Hi, what are you looking for?
စစ်ကောင်စီကလုပ်ငန်းရှင်များ၏ ပို့ကုန်ရငွေများကိုတစ်ဒေါ်လာ၂၁၀၀ ကျပ်ဖြင့် အတင်းအကျပ်ရောင်းဝယ်ခိုင်းသော်လည်း ပြင်ပပေါက်ဈေးတွင် တစ်ဒေါ်လာကို ၃၁၀၀ ကျပ်ဝန်းကျင်ရှိနေသည်။
လုပ်ငန်းရှင်များကပို့ကုန်ရငွေကို စစ်ကောင်စီသတ်မှတ်ထားသောဘဏ်များသို့ပြန်ရောင်းပါက ပြင်ပတွင် ၁ ဒေါ်လာ ၂၀၀၀ ကျပ်ဝန်းကျင်ပေါက်သော်လည်း ၁၈၅၀ ကျပ်ဖြင့်မဖြစ်မနေ ပြန်ရောင်းရသည်။ထိုသို့မရောင်းပါက အရေးယူမည်ဟုခြိမ်းခြောက်ထားသည်။
ရက်ပေါင်း ၃၀အတွင်း ပို့ကုန်ရငွေများပြည်တွင်းသို့ မယူဆောင်လာပါက နိုင်ငံခြားသုံးငွေစီမံခန့်ခွဲမူဥပဒေအရ အရေးယူမည် အကြမ်းဖက်စစ်ကောင်စီက ခြိမ်းခြောက်ထားသည်။
ပို့ကုန်ငွေ ဝင်ရောက်ရန် အတွက်လည်း ကုန်သည်များနှင့် စက်မှု၊လက်မှုအသင်းချုပ် (UMFCCI)မှ တစ်ဆင့်လည်း ထိုကုမ္ပဏီများကို အကြောင်းကြားထားပြီး ဖြစ်ကြောင်းလည်း စစ်ကောင်စီ၏ မြန်မာနိုင်ငံဗဟိုဘဏ်က အသိပေးသည်။
“ဒီလိုလုပ်လာမယ်ဆိုတာ သိပြီးသားပါ။ ဒီလိုမဖြစ်နိုင်တဲ့ တင်းကျပ်မူလုပ်ရင် နောက်ပိုင်းဘယ်သူမှ နိုင်ငံခြားကို ပို့ကုန်ပို့ကြတော့မှာမဟုတ်ဘူး” ဟု ပို့ကုန်လုပ်ငန်းရှင်တစ်ဦးက ပြောသည်။
ပို့ကုန်လုပ်ငန်းရှင်များအနေဖြင့် ပို့ကုန်ရငွေ (Export Earning)များကို ရက်ပေါင်း ၃၀သာ လက်ဝယ်ထားရရှိရမည်ဖြစ်ပြီး ရက်၃၀ ကျော်လွန်ပါက ပြည်တွင်းဘဏ်များကို မဖြစ်မနေရောင်းချရမည်ဟု အာဏာသိမ်းစစ်ကောင်စီ၏ ဗဟိုဘဏ်က အောက်တိုဘာ ၃ရက်တွင် ကန့်သတ်လိုက်သည်။