Ukraynanın Baş Prokurorluğu Odessa vilayətinin keçmiş qubernatoru Mixeil Saakaşvili barəsində ev dustaqlığı həbs tədbirinin seçilməsini tələb edir. Bu barədə Baş Prokurorluğun mətbuat katibi Larisa Sarqan bildirib. “Prokurorlar məhkəmədən əvvəl Saakaşvili barəsində elektron qolbağın daşınmasıyla ev dustaqlığı tədbirinin seçilməsi ilə bağlı xahiş edəcəklər”, – deyə Sarqan “facebook”da yazıb. O, qeyd edib ki, istintaq hərəkətləri başa çatıb.
Saakaşvilinin vəkili onun müddətsiz aclıq aksiyasına başladığını bildirib.
Saakaşvilinin özü isə Ukrayna xalqını dekabrın 10-da ölkə prezidenti Poroşenkoya impiçment tələbi ilə mitinq keçirməyə çağırıb.
Oxunub: 334
