![](https://i1.wp.com/www.azadliq.info/wp-content/uploads/2019/10/IMG-20191024-WA0021.jpg)
Bu gün “striptiz” deputat Fərəc Quliyev də 19 oktyabr aksiyasına münasibət bildirib. O, polis zorakılığı və işgəncələrlə bağlı faktları həyasızlıqla danaraq deyib: “Yalan danışırlar. Yalandan göstərirlər ki, guya köynəkləri cırılıb və sair. Özü də bunu Daxili İşlər Nazirliyinin əməkdaşları yox, öz adamları ediblər. Özü də, nə rezin güllələrdən istifadə olundu, nə də itlər buraxıldı…”
Ölkə parlamentində təmsil olunan deputatın sözlərinə baxın! Əsl faşist düşüncəsi deyilmi? Adam rezin güllələrdən və itlərdən istifadə olunmadığına görə xalqa minnət qoyur. Soruşan gərək, sən millət vəkilisən, yoxsa gestapo vəkili? Nə qədər xəstə təfəkkürlü olasan ki, belə fikirləri dilə gətirməkdən həya etməyəsən? Bir mandat ilə hakimiyyətin boyunduruğuna girmiş Quliyev, heç olmasa, illərlə çiyin-çiyinə addımladığı İbrahim İbrahimlinin kəsilmiş boğazından utanaydı. Amma utanmaq utanc hissi olanlara aiddir. Onlar da oturduqları striptiz parlamentdə o hissi çoxdan öldürüblər. Deputat Quliyev kimin yalan danışdığına əmin olmaq istəyirsə, bu gün sosial şəbəkələrdə məlum sözlərinin altına yazılan “komplimentlərə” baxıb feyziyab olsun!