“Striptiz” parlamentin turist deputatları hal-hazırda Strasburqda səfərdədir.
Heyət başda spiker Oqtay Əsədov və Səməd Seyidov olmaqla Yaponiyanı gəzib-dolaşıb, yön alıblar Fransaya. Demə nümayəndə heyəti 3 gün əvvəl Yaponiya kralının taxta çıxma mərasimində iştirak etmək üçün yola çıxıblar. Bəs necə, adamlar xalqın problemlərindən başqa nər şeyə vaxt tapırlar. Gəzib dolaşmağı, vaxt keçirməyi, əylənməyi də çox sevirlər. Deyəsən çoxu da elə missiyalarının ancaq bundan ibarət olduğunu düşünür.
Azərbaycanlı tələbələr Strasburqa təşrif buyurmuş deputat nümayəndə heyətini təntənəli şəkildə yada salmaqı hazırlaşırlar. Noyabr ayında onlar xüsusi şüarlarla Avropa Şurasının qarşısında etiraz aksiyası keçirəcəklər. Aksiyanın əsas məqsədi azərbaycanlı deputatları boykot etməklə, dünyanın diqqətini ölkədə boğulan insan haqlarına yönəltməkdir. Təşkilatçılar deyir ki, Avropa Şurası illərdir üzərinə götürdüyü öhdəliklərə əməl etməyən, “kürü diplomatiyası” rüsvayçılığı ilə korrupsiyanı bu qurumun içinə qədər gətirib çıxarmış Azərbaycan hakimiyyətini cəzalandırmalıdır. Öz prinsiplərinə hörmət edən bir qurum, üzv ölkənin diktatura şəbəkəsinin bir parçası olmasına, vətəndaşlarına divan tutmasına seyrçi qala bilməz. Bu cəzasızlığın nəticəsidir ki, bir ilə yaxındır Azərbaycanda sərbəst toplaşmaq azadlığı qeyri-rəsmi şəkildə qadağan olunub. 19 oktyabrda konstitusion haqları uğrunda meydana çıxan insanlara misli görünməmiş zorakılıq edilib, onlarla adam həbs olunub və işgəncəyə məruz qalıb. Aksiyada onlarla fəalın iştirak edəcəyi gözlənir.
Noyabrın əvvəlində təkcə Bakida yox, hər yerdə rejima qarşı aksiyalar kecəcək.