19 oktyabr mitinqində həbs edilənlərdən Milli Şura Koordinasiya Mərkəzinin üzvü Tofiq Yaqublu da həbsdə ağır işgəncəyə məruz qalıb. Bu barədə əvvəlcə onun qızı Nigar Həzi məlumat yayıb. Tofiq bəy ailəsilə danışarkən bərk fiziki zorakılığa məruz qaldığını və qabırğasının sındığını deyib. Daha sonra vəkili Nemət Kərimli Tofiq Yaqublu ilə saxlandığı Binəqədi təcridxanasında görüşüb və görüşdən sonra Tofiq bəyin məruz qaldığı zorakılıqlar, aldığı xəsarətlər barədə açıqlama verib.