Ötən yazılarımızda qeyd etdiyimiz kimi, parlamentdə hələ də 7 deputat yeri boşdur. O boş yerlərdən biri keçən il qəfil ürək tutmasından vəfat etmiş Astan Şahverdiyevin yeridir. Qubadlı-Cəbrayıl seçki dairəsindən mandat almış deputatın da başqa həmkarları kimi bir xeyli macərası var. Mətbuata zaman-zaman mövzu verən Şahverdiyevin son qalmaqallı müsahibəsi yadınızdadır yəqin. Rusiyada yaşayan azərbaycanlılarla bağlı fikir bildirən deputat müsahibəsində belə demişdi: “Azərbaycan cəmiyyəti haqda Rusiyada çox pis fikir formalaşıb, səbəbi bilirsiniz nədir? Mən bunun səbəbini araşdırmışam. Rusiyaya gedənlər kimlərdir? Bizim cəmiyyətin “otxodları”dır. Gedib bazarda işləyənlər. İndi burda baş qaldıranlar da… Hər yerdə belə tör-töküntülər var”. Adam sosial şəbəkələrdə böyük hay-küyə səbəb olan bu təhqiramiz ifadəyə görə üzr istəməli olmuş, özünə isə həmişəlik “otxod Astan” ləqəbi qazanmışdı. “Mən bilməzdim ki, bu ifadə cəmiyyətdə bu qədər rezonans yaradacaq. Mən əlbəttə, elə demək istəməmişəm… Məqsədim insanları incitmək, təhqir etmək deyildi. Mən bilirəm ki, Avropada, Rusiyada Azərbaycan xalqını yüksək səviyyədə təmsil edən iş adamları var və onlarla şəxsən tanışam.”
Biz öz deputatlarımızı yaxşı tanıyırıq. Onlar ictimai qınaqdan çəkinsələr də, xalqdan üzr istəməyi özlərinə sığışdırmayacaq qədər harındırlar. Adamı üzr istəməyə vadar edən “böyükləri” vardı və onların kimliyini hamınız tanıyırsınız. Onlar xalqı saya almazlar, amma ilahi ədalət bunun hesabını elə kəsər ki, özün də heyrət içində qalarsan. Həmin o Şahverdiyevin nədən və hansı şəraitdə öldüyünü bilirsiniz? Xeyr, biz də ölümə bayram edəcək qədər insanlıqdan çıxmamışıq. Sadəcə, on illərlə sadə insanların haqqına girib, ona yuxarıdan aşağı baxanların ucuz ölümünün də ilahi ədalətə bağlı bir məsələ olduğuna inanırıq. Şahverdiyev keçən il Qusar rayonundakı istirahət mərkəzində qəfil ürək tutmasından dünyasını dəyişdi. 71 yaşı vardı və deputatın yüksək dozalı dozalı viaqradan dünyasını dəyişdiyi məlum oldu. Hadisə yerinə gələn həkimlər belə sosial şəbəkələrdə yayılan bu xəbəri təkzib edən hər hansı açıqlama vermədilər. Adam elə bu “şərəfli diaqnozla” da getdi. Onun dozalı ölümü parlamentdə oturub on illərdir xalqın haqqını yeyənlərə dərs olsun gərək. Bu dünyada insan kimi yaşayıb, insan kimi ölmək varkən, nədir milyonların haqqını yeyib, belə ucuz ölüm damğasıyla dünyadan köçmək?
Noyabrın əvvəli bizim dinc kütləvi aksiyamıza qoşulun ki, bu biyabırçı striptiz yığını buraxılsın!