AXCP Rəyasət Heyətinin üzvü Fuad Qəhrəmanlı
Bu yazıdakı problem haqda mənə danışan dostumdan xahiş etdim ki, onu yazılı formada təqdim etsin ki, olduğu kimi sizlərə çatdıra bilim.
Buradan Səhiyyə Nazirinə, TƏBİB rəhbərinə müraciət edirəm, əgər azca da olsa insanlığınız qalıbsa bu yazını oxuyun və utanın. Ölkənin səhiyyə sistemini görün nə hala salıbsınlz ki, ömürlük xəstə, dərmanlardan asılı olan insanlara yardım etmək yerinə, onlara zülm, əzab çəkdirirsiniz.
Sizlər xəstə və möhtac insanlara necə işgəncə çəkdirdiyiizi bilmək istəyirsinizsə bu yazını mütləq oxuyun:
“Anam 1996 dan astma xəstəsidir . Uzun illərdir ki, ” Seretid rotadisk” adlı dərmandan asılı olaraq yaşayır. Bu dərmanı əvvəllər 12 manata alirdiq, sonra 1 il tapilmadi, məcbur olub min bir əziyyətlə Rusiyadan gətizdirdik.
Sonra çoxsaylı şikayətlərdən sonra dövlət hesabına astma üçün gərək olan “Seretid rotadiski” xəstələrə verməyə başladılar. Ancaq necə deyərlər, Allah kəssin bu verməyi.
Yaşadığımız evin yaxınlığında iki poliklinika olmasına baxmayaraq, bütün Bakı üzrə hamını mərkəzləşmiş qaydada 9 – cu mikraroynda marsrut yolundan 10 dəqiqə məsafədə yerləşən 9 saylı poliklinikaya yönəltdilər. Dərman xəstə sayına görə verilsə də, müxtəlif bəhanələrlə vermədiklərini görə onu uzun fasilələrlə ala bilirdik. 3 ay mütəmadi aldıqdan sonra, “yoxdur” deyib 3-4 ay vermirdilər. Sonra da yenə eyni intervalla, uzun get – gəllərdən sonra bir neçə ay alıb , yenə də uzun müddət ay dərmansız qalırdıq. Dərmanın tapılmadığı müddətlərdə anamın düşdüyü vəziyyət evimizdə əsil müsibət mənzərəsi yaradırdı.
Dərman növbəsinə durduğum vaxtlarda avtobus xəttinden uzaq təpəlikdə yerləşən poliklinikaya dərman goturməyə 1 ayagi olmayan şikəst insanlar gəlirdi. Onlarıın o təpəni nece əzabla qalxdığını görəndə, insanin urəyi parçalanırdı. Təsəvvür edin ki, hər dəfə dərman üçün 200 – dən artıq xəstə insanı növbəyə yığıb, onlara isti yay günlərində, soyuq küləkli havalarda əsil məşəqqət yaşadırdılar.
Anama hər dəfə dərmani götürməzdən oncə, qeydiyyatda olduğumuz ərazi poliklinikasında 3 həkimə resepteə qol çəkməliydik. Bir çox hallarda dərmanın verildiyi aptekdən zəng edib bas həkimə tapşırılırdı ki, xəstəyə bu ay dərmanı yazma, verə bilməyəcəyik. Təsəvvür edirsiniz, xəstə dövlət hesabına ona verilməli olan aslı oldugu dərmanı almaga gedir, aptekdən poliklinikanın baş həkiminə əmr edirlər ki, resseptə qol çəkmə.
Müsibət bununla da bitmir. Sistemin, korrupsiyalaşmış idarəetməsi üzündən, bu cür xəstələrin vəziyyəti getdikcə daha da pisləşir. Bu ilin fevral ayında anama heç bir xəbərdarlıq etmədən , onu təkrar müayinədən kecirdib yoxlamadan, 2 – ci qrup əlilliyə görə aldığı təqaüdü kəsdilər . Son dərmanını da elə fevralda verdilər, yazdilarki təkrar müayinə lazımdır . Halbuki astma xəstəliyinin tibdə müalicəsi mümkün deyil. Müalicəsi olmayan xəstəliyi təkrara müayinə ilə yoxlamaq ancaq, Azərbaycan səhiyyə sistemində rast gəlinən praktikadır.
Guya bütün xəstələrin dərman ve təqaüdlərini kəsməklə, saxta əlillik pulu alanların qarşısını almağa çalışırlar. Belə anormal məntiq ola bilərmi ? Əgər dövlət olaraq indiyə qədər rüşvət yolu ilə kimlərəsə, saxta əlillik dərəcələri, təqaüdlər verilibsə, o zaman gerçək əlillərin, təqaüdə ehtiyacı olanların nə günahı? Onların niyə təqaüdü, dərmanı kəsilməlidir? Bundan ötrü saxta əlilləri aşkarlamaq əvəzinə, ucdantutma müavinətləri, dərmanları kəsmək minlərlə möhtac, xəstə insana qarşı qəddarlıq, zülm deyil, bəs nədir?
Yeni qaydaya əsasən təqaüdləri kəsilən xəstələrin sənədləri ərazi üzrə TƏBİB – n tabeçiliyindəki sahə poliklinikalarına göndərilməlidir. Təsəvvür edirsinizmi, TƏBİB rəhbərliyindən polinikalara qeyri rəsmi göstəriş verilib ki, 7 aydan tez hec kimin sənədi qəbul edilməsin və yoxlanış üçün göndəriş verilməsin. Uzun çək çevirdən sonra poliklinikadan Ağciyər İnistutunda anamın təkrar yoxlanış üçün göndəriş ala bildik. Orda da anamın ağır dərəcəli astma olduğu ve əhəmiyyətli derecede hava catismamazligndan əziyyət çəkdiyi təsdiqləndi. Bununla bağlı rəsmi tibbi arayışı gətirib poliklinikaya verdik ve orada 1 həftə ləngidəndən sonra sonra aprelin 5 – də sənədləri Səhiyyə Nazirliyinə göndərdilər. Hələ də bu göndərişin nəticəsindən xəbər ətər yoxdur. Fevral ayından təqaüdü və dərmanı kəsilmiş anam üçün döymədiyimiz qapı qalmayıb, ancaq göstərdiyimiz bütün səylər nəticəsiz qalmaqdadır.
Dünən isə TƏBİB – n qaynar xəttini yığıb düz bir saat 47 dəqiqə gözlədikdən sonranəhayət ki kimsə dəstəyi qaldırdı. Cavab da bu oldu ki, biz sizə heç bir kömək edə bilmərik.
İndi kimə üz tutaq, harada çarə axtaraq, dərdimizi kimə deyək onu belə bilmirik. Açıq aşkar on minlərlə xəstə, əlil insanın dərman puluna, təqaüdünə göz dilərək insanları zülmə, ağır əzab əziyyətə məhkum ediblər.
TƏBİB də, Səhiyyə Nazirliyində oturanların vicdanlarının olmadığını bilirdim, indi bəlli olur ki, heç onların Allahı da yoxmuş.