AXCP sədri Əli Kərimli
Xalqımıza ağır itki üz verib. Azərbaycan Xalq Hərəkatının öncüllərindən biri, istiqlalçı millət vəkili, Milli Şura Koordinasiya Mərkəzinin üzvü İbrahim İbrahimli dünyasını dəyişib. Allah rəhmət eləsin.
İbrahim bəy həyatının 33 ilini Azərbaycanın istiqlalı və azərbaycanlıların səadəti uğrunda mübarizəyə sərf edib. Cəsarəti, fədakarlığı, prinspiallığı ilə həmişə nümunə olub.
Azərbaycan Xalq Hərəkatı, demokratik qüvvələr daha bir dürüstlük, cəsarət, mübarizə simvolunu itirdi. İtkimiz çox böyükdür.
İbrahim bəyin doğmalarına, əqidədaşlarımıza və bütövlükdə xalqımıza dərin hüznlə başsağlığı verirəm. Allah rəhmət eləsin.