AXCP Rəyasət Heyətinin üzvü Fuad Qəhrəmanlı
Ötən gün “Kanal 13″ də Rüfət bəyin qonağı olarkən tamaşaçı adı ilə belə bir rəy yazılmışdı: ” Xalqın inanacağı müxalifət lideri yoxdur, ona görə insanlar ayağa qalxmır”.
Bu fikrə o verlişdə cavab verdik. Burda da iki fərqli aspektdən bu məsələyə aydınlıq gətirmək istəyirəm.
🔸Xalq müxalifətə gerçəkdən inanmır?
1.Əvvəla xalq müxalifət liderlərinə və siyasətçilərinə inanmır ifadəsi doğru təsbit deyil. Bu indiyə qədər yutub kanallarında keçirilən sorğularda müxalifət liderlərinin birmənalı şəkildə öndə olması (bir qayda olaraq bütün sorğularda Əli Kərimlin liderlik edir), cəmiyyətin mütləq əksəriyyətinin müxalifət təmsilçilərinin çıxışlarına baxmasında (yenə də ən yüksək tirajlı baxış sayı Əli Kərimliyə aiddir) aydın görünür.
- Bu günə qədər müxalifətin iştirak etdiyi istər parlament, istərsə də prezident seçkisinin seçkillərində xalq həmişə müxalifət namizədlərinə səs verib və bu üzdən də hakimiyyət nəticələri saxtalaşdırmağa məcbur olub. Bu inam olmasa idi insanlar yəqin ki, müxalifət nümayəndələrinə səs də verməzdilər. Hakimiyyət də buna görə məcbur qalıb seçkiləri saxtalaşdırmazdı.
- Uzun illər ərzində yalnız müxalifətin, xüsusilə də AXCP və Mili Şuranın çağırışı ilə insanlar ən çətin şərtlərə, təzyiqlərə rəğmən mitinqlərə çıxıblar. Bu mitinqlər postsovet məkanındakı repressiv rejimlər içərisində əhali sayının nisbətinə görə keçirilən ən kütləvi etiraz aksiyaları olub. Xalq müxalifətə inanmasaydı bu cür aksiyalar keçirmək də mümkün olmazdı. Məhz xalqın müxalifətin çağırışlarına verdiyi dəstəyin getdikcə daha kütləvi mitinqlərə yol açdığını görən hakimiyyət, qorxuya düşərək 2019 – cu ilin 19 yanvar mitinqindən sonra kütləvi aksiyalara qadağa qoydu.
🔸Müxalifətə kimlər inanmır?
İqtidarınbu məsələdə mövqeyi bəllidir, bəs o zaman bəzi insanların “kimə inanaq, arxasınca gediləcək lider yoxdur” fikri nədən qaynaqlanır?
Səbəb çox sadədir. Ölkədə dəyişikliklər uğrunda gedən mübarizəyə qoşulmayan çox sayda insanın kənarda qalmasının səbəbi, əslində müxalifətə inamsızlıqda yox, rejimin təzyiqlərindən qorxub çəkinməklə bağlıdır. Bu adamlardan bir çoxları yaşadığı sosial problemlər qarşısında susmasını, pozulan haqlarına görə laqeyid davranışını öz qorxaqlığının nəticəsi kimi etiraf etməmək üçün müxalifətə inamsızlığı bəhanə gətirirlər. Guya ki, ona görə belə laqeyiddirki, inandığı bir siyasi qüvvə, lider yoxmuş. Belələrinə “sən susub evində oturduğun halda hər cür təhlükəni gözə alıb sənin haqqını tələb edən müxalifət liderlərinə və siyasətçilərinə nəyə görə inanmırsan” sualına verdikdə cavabında heç bir arqument gətirə bilmirlər.
Halbuki, hökumət qiymətləri qaldırırsa, korrupsiya üzündən həyat şərtləri get – gedə ağırlaşırsa, insan bu halda kimsəyə inanmsa belə, normalda öz üzləşdiyi çətinliyə görə etiraz səsini qaldırmalıdır. Bunu özü etmirsə, o zaman heç olmasa onun yerinə onun haqqları üçün danışan, hökumətdən tələb edən siyasətçiyə minnətdarlıq duymalıdlr. Ancaq bunun əvəzində durub öz passivliyiniə, laqeyidliyinə səbəb kimi müxalif liderlərə, siyasətçilərə inamsızlığı bəhanə gətirəndə, bu artıq obyektiv və ədalətli mövqe kimi qəbul edilə bilməz.
Aydındır ki, siyasətçiyə münasib bir mankenə, müğənniyə münasibətdən fərqli olaraq onun zahiri parametrlərinə görə deyil, siyasi mövqeyinə, fəaliyyətinə, fikirlərinə görə formalaşır. Bir çox hallarda “inanmıram” bəhanəsinin arxasında öz qorxaqlığını, laqeyidliyini gizlətməyə çalışanlar heç o liderin, siyasətçinin nə yazılarını oxuyurlar, nədə ki, çıxışlarınıa baxırlar. Buna görə də onlar müxalifət siyasətçilərin fəaliyyəti haqqında heç bir əsaslı məlumata sahib olmadan, inanmıram deyirlər. Məsələnin anormal tərəfi budur ki, adam bilmədiyi şeyi necə inkar edə bilər axı? Demək ki, bu sadəcə bir bəhanədir.
Müxalifət siyasətçilərinə inanmıram deyənlərin əksəriyyəti üçün həm də ictimai şüur, vətəndaş məsuliyyəti anlayışı da yoxdur. Ona görə də bu “inanmıram” sözü arxasında bu kəsir cəhətləri gizlətmək cəhdi də var. Belələri əlində girinc qaldıqları çoxsaylı problemlərə rəğmən vaxt tapıb instaqramda, Tik Tokda hansısa bayağı, öz zahirini nümayiş etdirən birinin səhifəsindən çıxmırlar, “bozbaş” mahnıların ifaçılarının hər bir fəaliyyətini, dedi qoxusunu diqqətlə izləyirlər. Bu da onu göstərir onların mənəvi ehtiyacı ölkənin problemləri haqda edilən çıxışlara baxmağa, yazıları oxumağa yox, məhz bu cür mənasız, primitiv və bayağı məşğuliyyətlrədir.
Bu adamları inandırarmaq üçün nə etmək lazımdır? Müxalifət siyasətçiləri nə etsə bunlar “inanarlar”? Möcud problemləri təhlil edib aydın şəkildə çıxış yolları təklif etsən, məsələləri obyektiv qiymətləndirən məqalələr yazssan, onların haqqlarını tələb edib buna görə hakimiyyətin təzyiqlərinə məruz qalsan, illərlə həbsdə yatsan yenə də bütün bunlar kifayət etməyəcək. Çünki onlar bütün bunlara gözlərini yumub qulaqlarını tıxayıblar. İndi gəl bunları inandır görüm hansı üsulla inandlracaqsan? Sonra da arada bir gərnəşib ” ə bizdə Saakaşvili kimi lider yoxdur” deyib ənənələrinə uyğun şəkildə instaqramda açıq pozalar, TikTokda primitiv və bayağı əyləncələr axtarmaqla günlərini yola verirlər. Halbuki bunlar Tiflisdə olmuş olsaydılar, o zaman 2019 cu ilin oktyabrında Əli Kərimlini meydanda polis zorakılığı qarşısında tək buraxdıqları kimi, Saakaşvilini də tək buraxacaqlar. Bunun üçün də çox sadə bir səbəb gətirəcəkdilər:” mən Saakaşviliyə inanmıram”.