ABŞ Nümayəndələr Palatasının Xarici İşlər Komitəsinin Avropa, Enerji, Ətraf Mühit və Kiber üzrə Alt Komitəsində sədr Vilyam Kitinqin başçılığı ilə Birləşmiş Ştatların Qafqaz regionu ilə bağlı siyasəti ilə əlaqədar dinləmə keçirilib.
Dinləmədə Amerika Birləşmiş Ştatları dövlət katibinin Avropa və Avrasiya məsələləri üzrə köməkçisi Karen Donfrid hesabat verib. O, Nümayəndələr Palatasının Demokrat və Respublikaçı üzvlərinin suallarını cavablandırıb.
Konqresmen Vilyam Kitinq açılış çıxışında Amerika Birləşmiş Ştatlarının Ermənistanla Azərbayan arasında sülh danışıqlarındakı rolunun vacibliyini vurğulayıb. O hər iki ölkəni uzunmüddətli sülh əldə etmək üçün çalışmaq istəyi və təşəbbüskarlığına görə alqışlayıb.
“Mən hər bir ölkənin səfirləri ilə dərin müzakirələrdən sonra açıq şəkildə bildirdim ki, mən hər iki ölkəyə və bütövlükdə regiona fayda gətirəcək həllin sürətli şəkildə əldə olunacağına ümid edirəm,” Kitinq deyib.
Amerikanın səsi
