عندي شنب!!
أنا ماریا عمرى 13 سنة فى الاعدادى تحدیداً فى تانیة اعدادى .
قررت اني مش هروح المدرسة تانى رغم اني بحبها جداً و زعلانة و خایفة بس برضو زهقت
مبقتش أقدر أبص فى وش حد من زميلاتي .
اصلهم بینادوا علیا ماریا اللي عندها شنب !!
ویفضلوا یتریقوا علیا اني مش جمیلة و قصیرة
كمان أنا فعلاً زعلانه منك یا ربنا اوى .
لیه جسمى كد ا كله شعر و مفیش فیه اى حاجه تقول ان انا بنت زى باقى البنات زميلاتي .
حتى بتكسف منهم اوى ، كل واحده فیهم بقت أنسة و بيتكلموا عن ازاى بیهتموا بجسمهم و مامتهم
بتساعدهم ازاى .
حتى ياربى لما رحت اتكلم مع ماما قالتلى عيب انتى لسه صغيرة ع الكلام دا دول بنات مش
متربیه .
هو فعلاً یارب دول بنات مش متربیه؟
طیب لیه جسمى مش زیهم؟
لیه سایبهم یتریقوا علیا و ماما مش بتسمعنى؟
عارف یارب انا بتكسف ابص على نفسى فى المرایة و انا بغير هدومى اوقات بغمض عینى
علشان مشفش نفسى .
حتى لما تعبت ولقیت فى دم نزل منى اتخضیت و خفت و سالت ماما.
راحت من سكات جابت
فوطه حطتها جنبى و قالتلى بعد شویة تغیریها انا مفهمتش
سألت ایه دا یا ماما بتعجب ودهشه ؟!
ردت : اصل انتى كبرتى .
طیب هو یارب انا كبرت و لا لسه صغیرة .
ممكن متزعلش منى یارب و انا بكتبلك الجواب دا علشان بقولك ان انا زعلانه منك بس انت
عارف ملیش غیرك احكیله أني غضبانه و خایفه علشان بكره جسمى و بقى عندى شنب !
