جت في السوستة
الكبت
الكبت السياسي
الكبت الاجتماعي
الكبت الجنسي
الكبت الوظيفي
اي كبت اول ما يشتد فورا هيجي في السوسته.
"جت في السوسته" جروب سري ذكوري بيفتح بوابه الحريه على مصراعيها – بيفتح الهايد بارك للحديث فيما يتعلق بالذكرويه والجنس ثوره جديده على القيود الاجتماعيه والعيب
ثوره على القيود الدينيه والحرام والحلال
حديث الشباب والشيوخ كانهم قاعدين عالقهوه الي عماله تكبر كل يوم وتتضاعف ليتجاوز عضويتها لالاف خلال ايام في دليل جديد ان الحريه ايا كان نوعها ستجد متنفسا لها حتى ولو من خرم الابره .. الامر لم يعد بعض جروبات الواتس اب التي تتناول نكت جنسيه وبس .. لا ده جروب بيخرج فيه الكل كل في قلبهم ومخزون عقلهم من تجارب و افكار وتخيلات وتدور مناقشات جاده وهزليه يستفيد منها الجميع .
الجروب ده مفيد اوي لانه بيعالج جريمه ارتكبها المجتمع ونظام تعليمه الي متناولش الحد الادني من المعلومات الصحيحه عن الجنس وساب الموضوع ده لاجتهادات كل شاب .. وانت وشطارتك بقي يا حج .. يا تقع في ايد حد مقطع البطاقه وحافظ كل الافلام ومتابع الجديد، او تتفرج بنفسك على قناه منهم على الدش او على النت ، او تتعرف على واحده عندها خبره
فاكرين فيلم ثقافي ؟ اهو الفيلم ده كسر الدنيا ولما تناول قصه شباب بيحاولو يوفرو المتطلبات التلاته علشان يتفرجو على فيلم قبيح
المكان والفيديو والشريط .. الموضوع كان كوميدي لكنه كان جرس انذار ..وربنا ميرضاش بالظلم.. النت والفيس بوك علو السقف شويتين وتولت نشر الثقافه الجنسيه الصحيحه .. وزي اي حريه في اولها هتلاقي السقف بيعلى اوي اوي لكن مع الوقت انا بقولكم هيرجع للمعقول وهيناقش بالعلم والاصول وكمان هيناقش الاخلاقيات ،اخلاقيات بدايه العلاقه بالطرف الاخر ، اخلاقيات استمرارها ، اخلاقيات انتهائها .
انا واثق ان لجروب ده هيساهم في تعديل حاجات كتير مايله وممكن يكون سبب في الحد من ظاهره التحرش .
ورساله لبتوع التعليم .. اهتمو بالملف ده في المدارس .. الثقافه الجنسيه جزء من علاج خلل كبير في المجتمع .. ولو مهتمتوش .. متقلقوش .. جت في السوسته فتح فروع ليه في كل مكان وبقي في اكتر من 100 جروب بنفس الاسم او بغيره وبنفس الهدف والمنهج وفي للذكور وكمان في للبنات وربنا يخليلنا الفيس بوك
