إنهيار أخلاقي .. السينما هي الحل
عايشين في فتنة مشتعلة بتلف مصر من شرقها لغربها ولا في أمان ، ولا حتى حد من رجال الأمن مبين أي كرامة ، في مواضيع الفتنة سواء بقي اغتصاب أطفال لخطفهم لقتل لحبس لسحل وغيره كتير في عزاء الليلة الكبيرة دي بقي كان وصل عدد دور العرض "السنيمات" المقفولة في مصر ل230 دور عرض في المحافظات طبعًا محدش يتخيل ولا يستوعب مدي خطورة غلق السنيمات وأي علاقتها بالفوضى اللي احنا فيها؟
أقولك، السينما دي مش جزء من الفن، والفن دا بقي بيقولوا عليه الجامع لكل اشكال الثقافة المتشافة والمسموعة والمقروءة بس كد لا دا كمان السينما هي أسرع في تأثيرها من بين كل الفنون.
الرئيس الراحل جمال عبدالناصر بعد ثورة 52 أصدر بيان للسينمائيين كان عنوانه "الفن الذي نريدهكان بيشاور فية على أهمية الفن وأزاي نستخدمه في توعية العقول إلخ.
لكن دلوقتي في 2017 عندك مثلا محافظة زي أسيوط بعد ماكان فيها أول سينما في مصر دلوقتي بلا سينما نهائي، بعد غلق سينما "رينيسانس، وخشبة، والسينما الصيفي والشتوي".
اسيوط بس لا عندك بني سويف، الفيوم سينما عبد الحميد فيها بقيت مول شعبي، سوهاج بقي هدموا سينم أوبرا الوحيدة اللي كانت في المحافظة وبقت مول تجاري.
ومحافظة أسوان مفهاش ولا حتى سينما واحدة والغريب والأغرب أنها فيها بيتم مهرجان الدولي لسينما المرأة، دا غير بقي محاولات السرقة اللي بتكرر كل شوية للسينمات.
فكد مصر تضم 426 دور العرض لكن المؤسف أن 80% منها في"القاهرة، والإسكندرية"، ومبقاش لسكان الصعيد بعد عمليات الغلق من دور السينما غير أربعة سينمات، اتنين بمحافظة المنيا، سينما بالاس وسينما سكيب مل بمدينة المنيا الجديدة، و دار سينما وحيدة في الأقصر بسيتي مول، وسينما الصداقة بأسوان.
طبعًا اكيد في وعي للناس بكارثة أن الصعيد يبقي من غير سينمات عشان كد عدد منهم دشن هاشتاج "افتحوا_سنيمات_الصعيد"، عشان يقولوا للمسئولين عن اللي بيحصل ويطلبوا ان السينمات ترجع تاني.
طبعًا أنت اصلًا عندك القانون المصري بيمنع أن أي منشأة ثقافية تتحول لأي حاجة تانية لكن طبعًا مين يسمع.
في شباب كانوا بيحفروا بمعلقة عشان يحلوا الموضوع فطلعت مبادرات زي سينما في كل مكان وغيرها تلف على المحافظات وتفرج الناس على سينما بمحتوي محترم، كمان مشروع زي نوافذ طلع من وزارة الشباب والرياضة.
الخلاصة أن الهاشتاج والمحاولات الفردية اللي عملها كتير من شباب فكروا تاني وشافوا أن الفن هو الحل وأن عشان نوصل لعقول الناس ونصحح وعيهم يبقي عن طريق الفنون ولأن السينما هي أسرع وسيلةنوصل بيها لناس ووعيهم فكروا تاني و قالوا أفتحوا سينمات الصعيد.
