ABŞ prezidenti Donald Trampın Ukrayna prezidenti Vladimir Zelenski və yeddi Avropa lideri ilə Ağ Evdə keçirilən sammitdə çıxışı mikrofona düşüb.
Gununsesi.info xarici mediaya istinadən xəbər verir ki, ABŞ mətbuatının yazdığına görə, Tramp Şərq otağında Fransa prezidenti Emmanuel Makrona pıçıldayıb: “Məncə, o (Rusiya prezidenti Vladimir Putin) sövdələşmə etmək istəyir. Düşünürəm ki, o, mənim üçün sövdələşmə etmək istəyir, bilirsinizmi? Nə qədər dəli səslənsə də”.
Trampın müşaviri Steve Witkoff bazar günü CNN-in “Birliyin Vəziyyəti” proqramının aparıcısı Jake Tapper-ə deyib: “Biz bir növ razılığa gəldik. Birləşmiş Ştatlar 5-ci maddəyə bənzər müdafiə təklif edə bilər ki, bu barədə eşitdiyimiz ilk şeydir. Ruslar da bununla razılaşdılar”.
NATO-nun baş katibi Mark Rutte də dünən Trampı bu razılaşmaya görə təbrik edərək, ABŞ-nin avropalı tərəfdaşları ilə birlikdə bu cür dəstəyi təklif etməsinin “böyük addım” olduğunu deyib.
“Təhlükəsizlik zəmanətlərində iştirak etməyə hazır olduğunuzu söyləməyiniz böyük addımdır, əsl dönüş nöqtəsidir və bu, hər şeyi dəyişir. Bunun üçün sizə təşəkkür edirik”, – Rutte bildirib. Amma Avropa liderlərinin Trampın uğurunu qeyd etməsi xəbəri Moskvaya çatanda Kreml Putinin ABŞ prezidentinə verdiyi vədi geri götürməyə çalışıb.
Rusiya Xarici İşlər Nazirliyi RİA Novosti xəbər agentliyinə bildirib ki, “Biz dəfələrlə bəyan etdiyimiz mövqeyimizi bir daha bildiririk ki, NATO ölkələrinin də iştirak etdiyi Ukraynada hərbi kontingentlə bağlı istənilən ssenarini qəti şəkildə rədd edirik”. Lakin Putin hələlik məsələ ilə bağlı açıqlama verməyib.
Orxan
