ကရင်အမျိုးသားအစည်းအရုံး(KNU) ညောင်လေးပင်ခရိုင် တပ်မဟာ(၃)နယ်မြေ ဆောထိ (ရွှေကျင်)မြို့နယ်ကို စစ်ကောင်စီတပ်က ရဟတ်ယာဉ်ဖြင့်လာရောက်တိုက်ခိုက်ခဲ့ကြောင်း KNU ဗဟိုက ယနေ့ သတင်းထုတ်ပြန်သည်။
ယမန်နေ့ (ဇန်နဝါရီ ၇) နေ့လည် ၁နာရီခွဲအချိန်တွင် အာဏာသိမ်း စစ်ကောင်စီတပ်မှ တိုက်ခိုက်ရေး ရဟတ်ယာဉ်ဖြင့် ဆောထိမြို့နယ်၊ ဘလောခိုကျေးရွာအုပ်စု၊ သစ်ခေါင်းကျေးရွာသို့ လာရောက်ပစ်ခတ်တိုက်ခိုက်ခဲ့ခြင်းဖြစ်သည်ဟု ဆိုသည်။
![(အာဏာသိမ်းစစ်ကောင်စီတပ်မှ ကေအဲန်ယူ-ညောင်လေးပင်ခရိုင်၊ ဆောထိမြို့နယ်တွင် တိုက်ခိုက်ရေး ရဟတ်ယာဉ် လာရောက်ပစ်ခတ်ပြီးနောက် တွေ့ရစဥ်၊ ဓာတ်ပုံ - KNU)](https://i0.wp.com/www.ludunwayoo.com/wp-content/uploads/2023/01/323435238_6299725850057110_3108918442015510881_n.jpg?resize=880%2C587&ssl=1)
အဆိုပါပစ်ခတ်မှုတွင် ပြည်သူလူထုများ ထိခိုက်မှုမရှိသော်လည်း ထိတ်လန့်ကြောက်ရွံ့ပြီး အသက်ဘေးလွတ်ရာသို့ ထွက်ပြေးတိမ်းရှောင်နေရကြောင်း ဖော်ပြထားသည်။
သစ်ခေါင်းကျေးရွာတွင် အိမ်ခြေစုစုပေါင်း ၃၂ လုံး လူဦးရေ ၁၈၀ကျော်သာရှိသည့် ရွာငယ်လေးဖြစ်သည်။
![(အာဏာသိမ်းစစ်ကောင်စီတပ်မှ ကေအဲန်ယူ-ညောင်လေးပင်ခရိုင်၊ ဆောထိမြို့နယ်တွင် တိုက်ခိုက်ရေး ရဟတ်ယာဉ် လာရောက်ပစ်ခတ်ပြီးနောက် တွေ့ရစဥ်၊ ဓာတ်ပုံ - KNU)](https://i0.wp.com/www.ludunwayoo.com/wp-content/uploads/2023/01/323461861_900337164330113_4488389122270228129_n.jpg?resize=880%2C587&ssl=1)
စစ်ကောင်စီတပ်သည် KNU နယ်မြေများ၌ တိုက်ပွဲဖြစ်ပွားမှုမရှိဘဲ လေကြောင်းတိုက်ခိုက်မှုများ မကြာခဏ လုပ်ဆောင်လျက်ရှိသည်။
ဇန်နဝါရီ ၇ရက်ကလည်း KNU ဖာပွန်ခရိုင် တပ်မဟာ(၅)နယ်မြေ ဒေဘိုးနိုဒေသသို့ တိုက်လေယာဉ်ဖြင့် ဗုံးများလာရောက်ကြဲချတိုက်ခိုက်ခဲ့၍ ဒေသခံတစ်ဦး ဒဏ်ရာရပြီး နေအိမ်နှင့် ကားထိခိုက်ပျက်စီးမှုရှိခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)