ကချင်ပြည်နယ်၊ ဖားကန့်မြို့နယ်၊ လုံးခင်းကျေးရွာအုပ်စု မဇွပ်ယန်ကျေးရွာထဲကို ဒီနေ့မနက်ပိုင်းက လက်နက်ကြီးကျည်ကျပြီး အမျိုးသမီး ၁ ဦး ထိမှန်ဒဏ်ရာရရှိထားတယ်လို့ ဒေသခံတွေထံကနေသိရပါတယ်။
မဇွမ်ယန်ရွာထဲကို ဒီနေ့ကမနက်ပိုင်း ၈ နာရီခွဲခန့်က လက်နက်ကြီးကျည်ကျတာဖြစ်တယ်လို့ လုံးခင်းဒေသခံတစ်ဦးကပြောပါတယ်။
“တိုက်ပွဲ အသံတွေကတော့ ကြားနေရတာပဲ”လို့ လုံးခင်းဒေသခံတစ်ဦးကပြောပါတယ်။
![ဖားကန့် မဇွမ်ယန်ရွာထဲ လက်နက်ကြီးကျပြီး အမျိုးသမီး ၁ ဦးထိခိုက်ဒဏ်ရာရ](https://i0.wp.com/www.ludunwayoo.com/wp-content/uploads/2023/02/332698155_1292268674653254_6773506082530158134_n.jpg?resize=577%2C1024&ssl=1)
ရွာထဲက နေအိမ်တစ်လုံးပေါ် လက်နက်ကြီးကျပြီး ကလေး ၂ ဦးမိခင်ဖြစ်သူ ဒေါ်လခိဂျာအန့် ဒဏ်ရာရသွားတယ်လို့သိရပါတယ်။ ဒဏ်ရာရတဲ့အမျိုးသမီးဟာ စိုးရိမ်ရတယ်လို့ လုံးခင်းဒေသခံ သတင်းရင်းမြစ်က ပြောပြပါတယ်။
ပြီးခဲ့တဲ့ နှစ်ကုန်ပိုင်းက ဖားကန့်မြို့နယ် ၊လုံးခင်းကျေးရွာအုပ်စု ၊ဆန်ခါရွာထဲကို လက်နက်ကြီးကျပြီး ဒေသခံ ၆ ဦးထိခိုက်ဒဏ်ရာရခဲ့တဲ့ဖြစ်စဉ်ဖြစ်ခဲ့ပါသေးတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)