စစ်ကိုင်းတိုင်း၊ ရွှေဘိုမြို့နယ်ရှိ စစ်ကောင်စီတပ် မီးရှို့ဖျက်ဆီးခဲ့သည့် ကျေးရွာတစ်ရွာမှ နေအိမ်များ ပြန်လည်တည်ဆောက်နိုင်ရန် အိမ်တိုင်များ လှူဒါန်းခဲ့ကြောင်း BurmaRangers (ShweBo) သတင်းနှင့်ပြန်ကြားရေးတာဝန်ခံ ဗိုလ်အေဓီက ပြောသည်။
![(မီးရှို့ခံရသည့်ကျေးရွာအား အိမ်တိုင်များလှူဒါန်းပေးနေစဥ်။ ဓာတ်ပုံ-Burma Ranger)](https://i0.wp.com/www.ludunwayoo.com/wp-content/uploads/2023/03/334954747_764141251946837_4114001591022999843_n.png?resize=880%2C495&ssl=1)
စစ်ကောင်စီတပ်၏ မီးရှို့မှုကြောင့် နေအိမ် ၄၁လုံး ဆုံးရှုံးခဲ့ရသော ရွှေဘိုမြို့နယ် ကျေးရွာတစ်ရွာရှိ ပြည်သူများအား တစ်ထပ်နေအိမ်များ ပြန်လည်ဆောက်လုပ်နိုင်ရန် အိမ်တိုင်များ ကူညီလှူဒါန်းပေးခဲ့ခြင်းဖြစ်ကြောင်း ဗိုလ်အေဓီက ပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
“ လိုအပ်ချက်တွေကတော့များတယ်။ ကျွန်တော်တို့လည်း စစ်ရေးကတစ်ဖက် ပြည်သူတွေပြန်လည်ထူထောင်ရေးအတွက်ရောဘက်စုံ ကြိုးစားနေပါတယ်။ အစားအစာ၊ အဝတ်အစား၊ ဆေးဝါး၊ သောက်သုံးရေ လိုအပ်ချက်တွေရှိပါတယ်။” ဟု ဗိုလ်အေဓီက ပြောသည်။
![(မီးရှို့ခံရသည့်ကျေးရွာအား အိမ်တိုင်များလှူဒါန်းပေးနေစဥ်။ ဓာတ်ပုံ-Burma Ranger)](https://i0.wp.com/www.ludunwayoo.com/wp-content/uploads/2023/03/335024188_546769780888714_8629312392575520433_n.png?resize=880%2C495&ssl=1)
စစ်ကောင်စီတပ်၏ အာဏာသိမ်းပြီးနောက်ပိုင်း ၂၀၂၁ မေလမှ ၂၀၂၃ ဇန်နဝါရီ ၃၁ ရက်အထိ စစ်ကိုင်းတိုင်းအတွင်း နေအိမ်ပေါင်း ၄၃,၂၉၂ လုံးအား စစ်ကောင်စီတပ်က မီးရှို့ဖျက်ဆီးထားကြောင်း Data For Myanmar အဖွဲ့က ထုတ်ပြန်ထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)