ကယား(ကရင်နီ) ပြည်နယ်၊ ဒီးမော့ဆိုမြို့နယ် ထဲက စစ်ရှောင်ကလေးငယ်တွေမှာ ရေယုန်အရေပြားရောဂါ ဖြစ်ပွားနေတယ်လို့ သိရပါတယ်။
လသားအရွယ် ကလေးငယ်တွေအပါအဝင် ကလေး ၄၀ ဦးခန့်မှာ အဲဒီရေယုန်အရေပြားရောဂါ ဖြစ်နေတာလို့ ကရင်နီ (ကယား) ပြည်နယ် သတင်းနဲ့ ကူညီမှုအဖွဲ့ကဆိုထားပါတယ်။
ကလေးအများစုဟာ မျက်နှာ ၊ဦးခေါင်း ၊ဝမ်းဗိုက်နဲ့ခြေထောက်တွေမှာ ရေယုန်ပေါက်နေကြတယ်လို့သိရပါတယ်။
ဒါဟာ စစ်ရှောင်ရင်း တောတောင်ထဲမှာ ရေပုံမှန်မချိုးရတာ ၊ သောက်ရေ သုံးရေသန့်သန့်ရှင်းရှင်းမရရှိတာတွေကြောင့်ဖြစ်ပြီး ဒီနေ့မှာ ဆရာဝန်နဲ့ ကလေးငယ်တွေကို ပြသပေးဖို့ စီစဉ်ထားတယ်လို့ ကရင်နီ (ကယား) ပြည်နယ် သတင်းနဲ့ ကူညီမှုအဖွဲ့ ကပြောထားပါတယ်။
ရေယုန်ရောဂါ ကလေးငယ်တွေကြား ဖြစ်ပွားနေတဲ့ ဒေသဟာ ဒီးမော့ဆိုမြို့နယ် ၊ ဒေါတမကြီး အုပ်စု ထဲက ကျေးရွာ ၂ ရွာ က ကလေးတွေဖြစ်ကြပါတယ်။
ဒီးမော့ဆိုဟာရှမ်းပြည်နယ် ဖယ်ခုံနဲ့ထိစပ်နေပြီး. ပြီးခဲ့တဲ့ ရက်ပိုင်းတွေက ဒီးမော့ဆိုအရှေ့ခြမ်းကို စစ်ကောင်စီတပ်က စစ်ကြောင်းထိုးလို့ဒေသခံတွေထွက်ပြေးတိမ်းရှောင်နေရပါတယ်။
