နိုင်ငံအနှံမှာ PDF တပ်ရင်းနဲ့ စစ်ကြောင်း ၃၀၀ ခန့်ကို ၂ နှစ်တာ ကာလအတွင်း ဖွဲ့စည်း တည်ထောင် ထားနိုင်ပြီလို့ NUG အစိုးရရဲ့ ယာယီသမ္မတ က အသိပေးပြောလိုက်ပါတယ်။
ဒီနေ့ မေလ ၅ ရက်ဟာ ပြည်သူ့ကာကွယ်ရေးတပ်မတော် (PDF) ကို ဖွဲ့စည်းတည်ထောင်တာ ၂ နှစ် ပြည့်မြောက်တာပါ။
၂ နှစ်တာ ကာလအတွင်း PDF တပ်ရင်းနဲ့စစ်ကြောင်း ၃၀၀ ခန့် ဖွဲ့စည်းနိုင်ပြီဖြစ်သလို ၊ ရပ်ရွာအခြေပြုတဲ့ ပြည်သူ့ကာကွယ်ရေးအဖွဲ့ (ပ.က.ဖ) တွေကို မြို့နယ် ၂၅၀ ကျော်မှာ စနစ်တကျ ဖွဲ့စည်းထားနိုင်ပြီလို့ NUG က ကြေညာပါတယ်။
![ဓာတ်ပုံ − NUG ကာကွယ်ရေးဝန်ကြီးဌာန](https://i0.wp.com/www.ludunwayoo.com/wp-content/uploads/2023/05/345427852_1256145268608862_3810381797399392990_n.jpg?resize=880%2C660&ssl=1)
![ဓာတ်ပုံ − NUG ကာကွယ်ရေးဝန်ကြီးဌာန](https://i0.wp.com/www.ludunwayoo.com/wp-content/uploads/2023/05/345273724_1001419254183962_2995334041270637684_n.jpg?resize=880%2C587&ssl=1)
![ဓာတ်ပုံ − NUG ကာကွယ်ရေးဝန်ကြီးဌာန](https://i0.wp.com/www.ludunwayoo.com/wp-content/uploads/2023/05/344949410_632833298274091_3853746825899748486_n.jpg?resize=880%2C660&ssl=1)
![ဓာတ်ပုံ − NUG ကာကွယ်ရေးဝန်ကြီးဌာန](https://i0.wp.com/www.ludunwayoo.com/wp-content/uploads/2023/05/344801509_169376052426004_4279972420046807961_n.jpg?resize=880%2C660&ssl=1)
အဲဒီလို တပ်ရင်း၊စစ်ကြောင်းနဲ့ ပ.က.ဖ တွေရဲ့တပ်ဖွဲ့ဝင်အင်အားစာရင်းကို NUG က ထုတ်မပြောပေမယ့် စစ်ကောင်စီထက် တိုက်ခိုက်ရေးအင်အားသာလွန်ပြီလို့ NUG ယာယီသမ္မတက ဒီနေ့မိန့်ခွန်းမှာထည့်ပြောပါတယ်။
စစ်ရေးအရဆိုရင်လည်း စစ်ဒေသတွေ ၊စစ်တိုင်းတွေ သီးခြားသတ်မှတ်နိုင်ပြီဖြစ်ပြီး စစ်ရေးအတွေ့အကြုံရှိတဲ့ တိုင်းရင်းသားလက်နက်ကိုင်အဖွဲ့တွေ က တပ်မှူးတွေနဲ့ပူးပေါင်းကာ ပေါင်းစပ်ကွပ်ကဲမှုစနစ်ကို အတိုင်းအတာတစ်ခုထိ အကောင်အထည်ဖော်နိုင်ပြီလို့ ယာယီသမ္မတကပြောပါတယ်။
PDF တပ်တွေဟာ ခံစစ်နဲ့ စတင်ခဲ့ရပေမယ့် လက်ရှိမှာ တန်ပြန်ထိုးစစ်အကြိုကာလကိုအပြည့်အဝရောက်လာပြီး နောက်ဆုံးအဆင့်ဖြစ်တဲ့ တန်ပြန်ထိုးစစ်ကာလကို ဆက်လက်တက်လှမ်းဖို့ ဘဏ္ဍာငွေနဲ့ ဗျုဟာမြောက် စစ်လက်နက်ပစ္စည်းတွေရရှိနိုင်မှုအပေါ် မူတည်နေတယ်လို့ ယာယီသမ္မတက အသိပေးပါတယ်။
![ဓာတ်ပုံ − NUG ကာကွယ်ရေးဝန်ကြီးဌာန](https://i0.wp.com/www.ludunwayoo.com/wp-content/uploads/2023/05/344969521_194859433412275_6257008571313883432_n.jpg?resize=880%2C588&ssl=1)
လက်နက်တပ်ဆင်ရာမှာလည်း တူမီး ၊လက်လုပ်သေနတ်တွေနေရာမှာ အတိုင်းအတာတစ်ခုအထိ လက်နက်တွေ တပ်ဆင်နိုင်နေပြီး လက်နက်ခဲယမ်းထုတ်လုပ်တာလည်း အောင်မြင်ပေါက်ရောက်နေပြီလို့ NUG ယာယီသမ္မတက ဆိုပါတယ်။
ဒါပေမယ့် စစ်ကောင်စီတပ်နဲ့ သူတင်ကိုယ်တင် ပွဲသိမ်းတိုက်နိုင်တဲ့ လက်နက်ခဲယမ်း ထုတ်နိုင်တဲ့အခြေအနေ ရောက်ဖို့ တော့ ကြိုးပမ်းရဦးမယ်လို့ ပြောပါတယ်။
![ဓာတ်ပုံ − NUG ကာကွယ်ရေးဝန်ကြီးဌာန](https://i0.wp.com/www.ludunwayoo.com/wp-content/uploads/2023/05/345275115_245288007988017_523492440067363442_n.jpg?resize=880%2C586&ssl=1)
![ဓာတ်ပုံ − NUG ကာကွယ်ရေးဝန်ကြီးဌာန](https://i0.wp.com/www.ludunwayoo.com/wp-content/uploads/2023/05/344764816_217271037687954_6864127529847680177_n.jpg?resize=880%2C586&ssl=1)
လေကြောင်းရန်ကို တန်ပြန်တိုက်ခိုက်၊ခုခံဖို့ ဗျုဟာမြောက် လက်နက်ပစ္စည်းတွေအလုံအလောက်ရဖို့လို အပ်နေတယ်လို့ NUG ယာယီသမ္မတက အသိပေးပါတယ်။
PDF တပ် ၂ နှစ်ပြည့်ကာလမှာ ကူညီခဲ့ကြတဲ့ တိုင်ရင်းသားလက်နက်ကိုင်အဖွဲ့ခေါင်းဆောင်တွေ ၊ အသက်နဲ့ခန္ဒာစွန့်ပြီး လူထုလွတ်မြောက်ရေးအတွက်တိုက်ပွဲဝင်နေတဲ့ PDF တွေကို NUG ယာယီသမ္မတ က ကျေးဇူးတင်ဂုဏ်ပြုစကားဆိုထားပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)