ကရင်နီ(ကယား)ပြည်နယ်၊ ဒီးမော့ဆိုမြို့နယ် တိုက်ပွဲတွင် ကရင်နီတော်လှန်ရေးတပ်ပေါင်းစု၏ Medic Unit (Demoso) ဆေးတပ်ဖွဲ့ မှ ရဲဘော်နှင့် ရဲမေ လေးဦးကျဆုံးခဲ့ကြောင်း ကရင်နီတော်လှန်ရေးတပ်ပေါင်းစု (KRU)က ယနေ့ ထုတ်ပြန်သည်။
ကျဆုံးခဲ့သည့် ရဲဘော်၊ ရဲမေများသည် တော်လှန်ရေး၏ အရေးပါသော ဆေးကုသရေးကဏ္ဍကို လုပ်ဆောင်နေစဉ်အတွင်း ယမန်နေ့က မြင့်မြတ် စွာ အသက်ပေးလှူသွားခဲ့ခြင်းဟု ဆိုသည်။
![(ကျဆုံးခဲ့သည့် ရဲဘော်၊ ရဲမေများအား တွေ့ရစဉ်။ ဓာတ်ပုံ - KRU)](https://i0.wp.com/www.ludunwayoo.com/wp-content/uploads/2023/05/349554280_643949330922502_4027742184807756505_n.jpg?resize=600%2C450&ssl=1)
“အဓိကတော့ လေကြောင်း ရန်ပေါ့။ နေရာနဲ့ ဖြစ်စဥ်ကိုတော့ လက်ရှိအထိတိုက်ပွဲအခြေအနေကြောင့်မပြောနိုင်သေးဘူး”ဟု KRU တာဝန်ရှိသူက လူထုနွေဦးသို့ ပြောသည်။
ရဲဘော်၊ ရဲမေ လေးဦး၏ တော်လှန်ရေး၌ ထားရှိခဲ့သော သစ္စာတရားများကို လေးစားလျက် ယနေ့ နာရေးအခမ်းအနား ပြုလုပ်ခဲ့ကြောင်း အသိပေးသည်။
![(ကျဆုံးခဲ့သည့် ရဲဘော်၊ ရဲမေများအား တွေ့ရစဉ်။ ဓာတ်ပုံ - KRU)](https://i0.wp.com/www.ludunwayoo.com/wp-content/uploads/2023/05/350334433_739456024639678_3894585539661461982_n.jpg?resize=640%2C1417&ssl=1)
![(ကျဆုံးခဲ့သည့် ရဲဘော်၊ ရဲမေများအား တွေ့ရစဉ်။ ဓာတ်ပုံ - KRU)](https://i0.wp.com/www.ludunwayoo.com/wp-content/uploads/2023/05/350132306_567349108841535_5626930090426757376_n.jpg?resize=270%2C480&ssl=1)
![(ကျဆုံးခဲ့သည့် ရဲဘော်၊ ရဲမေများအား တွေ့ရစဉ်။ ဓာတ်ပုံ - KRU)](https://i0.wp.com/www.ludunwayoo.com/wp-content/uploads/2023/05/350120576_654063749990507_1593703728728434364_n.jpg?resize=880%2C1171&ssl=1)
![(ကျဆုံးခဲ့သည့် ရဲဘော်၊ ရဲမေများအား တွေ့ရစဉ်။ ဓာတ်ပုံ - KRU)](https://i0.wp.com/www.ludunwayoo.com/wp-content/uploads/2023/05/350347933_2468695169945156_902583015380386955_n.jpg?resize=880%2C1173&ssl=1)
မြင့်မြတ်စွာအသက်ပေးလှူသွား သော Medic Unit (Demoso) ဆေးတပ်ဖွဲ့ ရဲဘော်၊ရဲမေများအား တော်လှန်ရေး၏ အာဇာနည်သူရဲကောင်းများအဖြစ် မှတ်တမ်းတင်ဂုဏ်ပြုကြောင်းလည်း ထုတိပြန်ချက်၌ ဖော်ပြသည်။
လက်ရှိ ကရင်နီပြည်နယ်တွင် စစ်ကောင်စီက ဘက်ပေါင်းစုံ ထိုးစစ်ဆင်နေပြီး အထူးသဖြင့် ဒီးမော့ဆို အရှေ့ခြမ်းကို တပ်ရင်း (၈)ခုသုံးကာ ထိုးစစ်ဆင်နေသည်။
ထို့အပြင် ရှမ်း-ကယားနယ်စပ် ဖယ်ခုံနှင့် မိုးဗြဲ မြို့များတွင် နေ့စဥ်ထိတွေ့မှုများရှိနေပြီး နှစ်ဖက် ထိခိုက်မှုများ ရှိသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)