ကရင်ပြည်နယ် ၊ကော့ကရိတ်ခရိုင်၊ ကျုံဒိုးမြို့ထဲက ကော့ကာရွာထဲကို စစ်ကောင်စီတပ်က လက်နက်ကြီးနဲ့ ပစ်လို့ ကလေး ၁ ဦးအပါအဝင် အရပ်သား ၃ ဦး ထိခိုက်ဒဏ်ရာရတယ်လို့ KNU က ထုတ်ပြန်ပါတယ်။
KNU တပ်မဟာ ၆ နယ်မြေထဲမှာရှိတဲ့ ကော့ကာရွာထဲကို ပြီးခဲ့တဲ့ တနင်္ဂနွေနေ့ က ကျုံဒိုးမြို့အခြေစိုက် စစ်ကောင်စီရဲ့ အမှတ် ၅၄၆ ခြေမြန်တပ်ရင်းက လက်နက်ကြီးနဲ့ လှမ်းပစ်တာလို့ KNU က ဒီနေ့မှာ ထုတ်ပြန်တာပါ။
![KNU တပ်မဟာ ၆ နယ်မြေက ရွာ ကို စစ်ကောင်စီတပ် လက်နက်ကြီးနဲ့လှမ်းပစ်](https://i0.wp.com/www.ludunwayoo.com/wp-content/uploads/2023/05/350648543_931475511436609_7682129350321074971_n.jpg?resize=880%2C495&ssl=1)
လက်နက်ကြီး ကျည် ၂ လုံး ရွာထဲကို ကျရောက်ပေါက်ကွဲခဲ့ပြီး အသက် ၁၅ နှစ်အရွယ်ကလေးနဲ့ အမျိုးသမီး ၂ ဦး ထိခိုက်ဒဏ်ရာရသွားပါတယ်။
ဒါအပြင် နေအိမ် ၆ လုံးလည်း ထိခိုက်ပျက်စီးတယ်လို့ KNU ဆိုပါတယ်။
![KNU တပ်မဟာ ၆ နယ်မြေက ရွာ ကို စစ်ကောင်စီတပ် လက်နက်ကြီးနဲ့လှမ်းပစ်](https://i0.wp.com/www.ludunwayoo.com/wp-content/uploads/2023/05/350273656_805383400927263_661920474335148535_n.jpg?resize=880%2C660&ssl=1)
KNU ရဲ့စာရင်းအရ အခုမေလမှာတင် ကော့ကာရွာဟာ လက်နက်ကြီးနဲ့ပစ်ခတ်ခံရလို့ ဒေသခံ ၆ ဦး ဒဏ်ရာရခဲ့သလို နေအိမ် ၁၀ လုံးပျက်စီးခဲ့ရတယ်လို့သိရပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)