လက်ရှိကာလဟာ ကိုယ်ပိုင်ပြဌာန်းခွင့်နဲ့ကိုယ့်ကံကြမ္မာကိုယ်ဖန်တီးနိုင်မယ့် အခွင့်လမ်းကောင်းတွေ ရှိနေတယ်လို့ KNUဥက္ကဋ္ဌ ပဒိုစောကွယ်ထူးဝင်းက ပြောလိုက်ပါတယ်။
ဒီနေ့ဇူလိုင်လ ၅ ရက်မှာ ကျရောက်တဲ့ ၇၄ နှစ်မြောက် ကရင်အမျိုးသားလွတ်မြောက်ရေး တပ်မတော်နေ့ ထံပေးပို့တဲ့သဝဏ်လွှာမှာထည့်သွင်းအသိပေးပြောဆိုထားတာပါ။
![ကိုယ်ပိုင်ပြဌာန်းခွင့်ဖန်တီးနိုင်မယ့်အခွင့်လမ်းကောင်းတွေရှိနေတယ်လို့ KNU ဥက္ကဋ္ဌ အသိပေး](https://i0.wp.com/www.ludunwayoo.com/wp-content/uploads/2023/07/358066345_609789771219819_7753819758425960157_n.jpg?resize=880%2C495&ssl=1)
လက်ရှိကာလဟာ စိန်ခေါ်မှုကြီးမားပေမယ့် ကိုယ်ပိုင်ပြဌာန်းခွင့်နဲ့ ကိုယ့်ကံကြမ္မာကိုယ်ဖန်တီးနိုင်မယ့်အခွင့်ကောင်းတွေရှိနေလို့ အခြေအနေပေးလာတဲ့ အခွင့်အရေးတွေကို အရယူကြဖို့လည်း KNU ဥက္ကဋ္ဌ က ဆိုထားပါတယ်။
ကြုံတွေ့နေရတဲ့ နိုင်ငံရေးနဲ့စစ်ရေးဆိုင်ရာအခြေအနေတွေဟာ မြန်မာနိုင်ငံသမိုင်းတစ်လျှောက် ဖြစ်ပျက်ခဲ့တဲ့ အခြေအနေတွေနဲ့လုံးဝမတူပဲ တမူခြားနားနေတယ်လို့လည်းဆိုပါတယ်။
![ကိုယ်ပိုင်ပြဌာန်းခွင့်ဖန်တီးနိုင်မယ့်အခွင့်လမ်းကောင်းတွေရှိနေတယ်လို့ KNU ဥက္ကဋ္ဌ အသိပေး](https://i0.wp.com/www.ludunwayoo.com/wp-content/uploads/2023/07/357819995_609789727886490_1432301639289734519_n.jpg?resize=880%2C495&ssl=1)
စစ်အာဏာရှင်နဲ့ အာဏာရှင်ဆန့်ကျင်တော်လှန်နေကြတဲ့ လူမျိုးတိုင်း၊အဖွဲ့အစည်းတိုင်းနဲ့ လက်တွဲလုပ်ဆောင်ရမယ်လည်းလို့လည်း KNU ဥက္ကဋ္ဌက မှာကြားပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)