မော်လမြိုင်-ရေး-ထားဝယ် ပြည်ထောင်စုလမ်းမလုံခြုံရေးအတွက် စစ်ဆေးနေသည့် Taung Nyo Column စစ်ကြောင်းက အမျိူးသမီးစစ်သည်များ လုံခြုံးရေးတာဝန်ထမ်းဆောင်နေသည့် သတင်းဓာတ်ပုံများကိုယနေ့(ဩဂုတ်လ ၉ရက်) ထုတ်ပြန်သည်။
မော်လမြိုင်-ရေး-ထားဝယ် ပြည်ထောင်စုလမ်းမ ပေါ် ၌ လုံခြုံရေးစစ်ဆေးနေသည့်အခြေအနေကို Taung Nyo Column စစ်ကြောင်းက ယနေ့(ဩဂုတ်လ ၉ရက်) ထုတ်ပြန်ခြင်းဖြစ်သည်။
” တော်လှန်ရေးကာလ ကြာမြင့်လာခြင်းနှင့်အတူ အမျိုးသမီးများဟာလည်း စစ်ရေးရဲ့ အဓိကကျတဲ့ စစ်မျက်နှာပြင်များထိ လိုက်ပါပြီး တာ၀န်ထမ်းဆောင်နေလျှက်ပါ။ မိုးတွေကလည်း ဆက်တိုက်ဆိုသလို ရွာသွန်းမှုများကြားထဲမှ မော်လမြိုင်-ရေး-ထားဝယ် ပြည်ထောင်စုလမ်းမ လုံခြုံရေးအတွက် စစ်ဆေးနေကြတာဖြစ်ပါတယ်” ဟုဖော်ပြထားသည်။
တောင်ညိုကော်လံသည် အမျိုးသားညီညွတ်ရေးအစိုးရ၊ကာကွယ်ရေးဝန်ကြီးဌာန၊ တောင်ပိုင်းတိုင်းစစ်ဌာနချုပ်၏ လက်အောက်တွင် ဖွဲ့စည်းထားပြီး ကာကွယ်ရေးမဟာမိတ်တပ်ဖွဲ့များနှင့်အတူတိုက်ပွဲဝင်နေသည့် ပြည်သူ့ကာကွယ်ရေးတပ်ဖွဲ့ဖြစ်သည်။
စစ်ကောင်စီက အင်တားတိုးချဲ့နေသည်ကို တားဆီးရန် နှင့် စစ်ရေးအရှိန်မြှင့်ရန်အတွက်အမှတ် (၈) လမ်းမကြီးအသုံးပြုမည့် ကားများအား လုံခြုံရေးအရစစ်ဆေးသွားမည်ဖြစ်ကြောင်း တော်လှန်ရေးအင်အားစုများက ပြီးခဲ့သည့် ဇွန်လတွင် ထုတ်ပြန်ထားသည်။
