▪︎ရဲ ၅ ဦးသေဆုံးပြီး စစ်တပ်ကလေကြာင်းမှ ဗုံးကြဲသဖြင့်ရှေးဟောင်းစေတီများပျက်စီး
ဂန့်ဂေါတွင်စစ်ကောင်စီအခြေစိုက်စခန်းအား ပြည်သူ့ကာကွယ်ရေးတပ်ဖွဲ့များကတိုက်ခိုက်ခဲ့ရာ စစ်ကောင်စီရဲငါးဦးသေဆုံးခဲ့ပြီးနောက် စစ်ကောင်စီတပ်က လေကြောင်းမှ ဗုံးကြဲတိုက်ခိုက်ခဲ့ရာ ဒေသတွင်း သမိုင်းဝင်ရှေးဟောင်းစေတီများ ပျက်စီးသွားကြောင်း ဒေသခံများကပြောသည်။
ဂန့်ဂေါမြို့နယ် မင်းရွာနယ်မြေ ရဲစခန်းကို ဩဂုတ်လ ၁၅ ရက်နေ့ နံနက်တွင် ပြည်သူ့ကာကွယ်ရေးပူးပေါင်းတပ်ဖွဲ့က စီးနင်းတိုက်ခိုက်ခဲ့ခြင်းဖြစ်သည်။ ထိုတိုက်ပွဲတွင် စစ်ကောင်စီ လက်အောက်ခံ ရဲ ငါးဦးသေဆုံးခဲ့ပြီးပြည်သူ့ကာကွယ်ရေးရဲဘော် ငါးဦး ထိခိုက်ဒါဏ်ရာရခဲ့သည်ဟုသိရသည်။
![(စစ်ကောင်စီတပ် ဗုံးကျဲသောကြောင့် ရှေးဟောင်း မြသိန်းတန်စေတီနှင့် အနီးအနားရှိသာ့သနိကအဆောက်အအုံများပျက်စီးနေမှု ။ဓါတ်ပုံ-ABSDF)](https://i0.wp.com/www.ludunwayoo.com/wp-content/uploads/2023/08/369538073_634260095439453_2994304233495618367_n.jpg?resize=880%2C495&ssl=1)
![(စစ်ကောင်စီတပ် ဗုံးကျဲသောကြောင့် ရှေးဟောင်း မြသိန်းတန်စေတီနှင့် အနီးအနားရှိသာ့သနိကအဆောက်အအုံများပျက်စီးနေမှု ။ဓါတ်ပုံ-ABSDF)](https://i0.wp.com/www.ludunwayoo.com/wp-content/uploads/2023/08/369523683_634260128772783_7971112315927923962_n.jpg?resize=880%2C495&ssl=1)
![(စစ်ကောင်စီတပ် ဗုံးကျဲသောကြောင့် ရှေးဟောင်း မြသိန်းတန်စေတီနှင့် အနီးအနားရှိသာ့သနိကအဆောက်အအုံများပျက်စီးနေမှု ။ဓါတ်ပုံ-ABSDF)](https://i0.wp.com/www.ludunwayoo.com/wp-content/uploads/2023/08/369705297_634260148772781_1430690288081368724_n.jpg?resize=880%2C495&ssl=1)
![(စစ်ကောင်စီတပ် ဗုံးကျဲသောကြောင့် ရှေးဟောင်း မြသိန်းတန်စေတီနှင့် အနီးအနားရှိသာ့သနိကအဆောက်အအုံများပျက်စီးနေမှု ။ဓါတ်ပုံ-ABSDF)](https://i0.wp.com/www.ludunwayoo.com/wp-content/uploads/2023/08/369517398_634260112106118_6724541061679138418_n.jpg?resize=880%2C495&ssl=1)
“စစ်တပ်က အထိနာတော့ လေကြောင်းကနေ ဗုံးကြဲတာ။ ကျွန်တော်တို့မြို့က ရှေးဟောင်း မြသိန်းတန်စေတီတဝန်းလုံး ကို ဖျက်ဆီးသွားတယ်။ အကုန်ပျက်စီးကုန်တယ်” ဟု ပြည်သူ့ကာကွယ်ရေးရဲဘော်တစ်ဦးကလည်းပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
စစ်ကောင်စီတပ်က တိုက်လေယာဉ်ဖြင့် ပေါင် ၃၀၀ ဗုံး ၅လုံး လာရောက်ဗုံးကြဲချခဲသလို ဂန့်ဂေါမြို့ အမြောက်တပ်ရင်းမှ အမြောက်များဖြင့် ပစ်ခတ်ခဲ့သည်ဟု ABSDF အမှတ် (၁၂) တပ်ရင်းက သတင်းထုတ်ပြန်သည်။ မြေပြင်မှလည်း အင်အား ၁၀၀ ခန့်ဖြင့် စစ်ကူလာရောက်သောကြောင့်နံနက် ၉ နာရီခန့်တွင် ပြန်လည်ဆုတ်ခွာခဲ့သည်ဟု ထုတ်ပြန်ထားသည်။
![(စစ်ကောင်စီတပ် ဗုံးကျဲသောကြောင့် ရှေးဟောင်း မြသိန်းတန်စေတီနှင့် အနီးအနားရှိသာ့သနိကအဆောက်အအုံများပျက်စီးနေမှု ။ဓါတ်ပုံ-ABSDF)](https://i0.wp.com/www.ludunwayoo.com/wp-content/uploads/2023/08/369523000_634260185439444_3787822443634278667_n.jpg?resize=880%2C495&ssl=1)
![(စစ်ကောင်စီတပ် ဗုံးကျဲသောကြောင့် ရှေးဟောင်း မြသိန်းတန်စေတီနှင့် အနီးအနားရှိသာ့သနိကအဆောက်အအုံများပျက်စီးနေမှု ။ဓါတ်ပုံ-ABSDF)](https://i0.wp.com/www.ludunwayoo.com/wp-content/uploads/2023/08/369675381_634260175439445_7339555639399008097_n.jpg?resize=880%2C495&ssl=1)
အဆိုပါ တိုက်ပွဲကို ABSDF အမှတ် (၁၂) တပ်ရင်း၊ ဂန့်ဂေါခရိုင် PDF တပ်ရင်း(၁) ၊တပ်ရင်း (၇)၊ တပ်ရင်း (၁၁) ၊ တပ်ရင်း (၁၂) ၊တပ်ရင်း(၁၄) ၊ မင်းဘူးခရိုင် PDF တပ်ရင်း ၊ ဂန့်ဂေါမြို့နယ်ပ.က.ဖ၊ ထီးလင်းမြို့နယ် ပ.က.ဖ တို့ကပူးပေါင်း တိုက်ခိုက်ခဲ့ခြင်းဖြစ်ကြောင်းသိရသည်။
စစ်ကောင်စီလေကြောင်းတိုက်ခိုက်မှုကြောင့်ပျက်စီးသွားသည့် ဂန့်ဂေါမြို့၊ မင်းရွာရှိရှေးဟောင်း မြသိန်းတန်စေတီသည် သီရိဓမ္မာသောကမင်ကြီး တည်ထားခဲ့သည့် ရှေးဟောင်းစေတီတော်ဖြစ်ကြောင်း ဒေသခံများကပြောသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)