မကွေးတိုင်း၊ ရေစကြိုမြို့နယ်၊ ရေလယ်ကျွန်းဒေသတွင် စစ်ကောင်စီတပ် မီးရှို့ဖျက်ဆီးသွားသည့် နေအိမ် ၃၀ကျော်အား ဆန်အိတ်များထောက်ပံ့ပေးခဲ့ကြောင်း Myingyan Black Tiger-MBT တပ်ဖွဲ့ခေါင်းဆောင် ဗိုလ်မိုက်ခဲက ပြောသည်။
အောက်တိုဘာ ဒုတိယပတ်အတွင်းက စစ်ကောင်စီတပ်သည် ရေစကြိုရေလယ် ကျွန်းဒေသသို့ စစ်ကြောင်းထိုး ဖျက်ဆီးခဲ့သည်။
အဆိုပါ စစ်ကြောင်းက နေအိမ်များအား မီးရှို့ဖျက်ဆီးခဲ့ရာ ကူနီရွာမှ ၇လုံး၊ ကျွန်းကလေးရွာမှ ၂လုံး၊ လှေခုတ်ရွာမှ ၄လုံး၊ ကျွန်းညိုရွာမှ ၃လုံး၊ နွယ်နီရွာမှ ၂ လုံး၊ နံဘေးရွာမှ ၃ လုံး၊ မြောက်ရွာမှ ၁၃လုံး မီးလောင်ကျွမ်းပျက်စီးခဲ့ကြောင်း Myingyan Black Tiger-MBT တပ်ဖွဲ့က ပြောသည်။
မီးရှို့ခံရသည့် နေအိမ်များအား Front Line Voice နှင့် ပြည်သူလူထု၏ ထောက်ပံ့ငွေဖြင့် ကူညီပံ့ပိုးပေးခဲ့ကြောင်း Myingyan Black Tiger-MBT တပ်ဖွဲ့ခေါင်းဆောင် ဗိုလ်မိုက်ခဲက ပြောသည်။
“တစ်အိမ်ကို ဆန်အိတ်တစ်အိတ်နှူန်း လှူဒါန်းပေးခဲ့တာပါ”ဟု ဗိုလ်မိုက်ခဲက ပြောသည်။
Public Service Announcement
ယင်းစစ်ကြောင်း၏ ရမ်းသမ်းပစ်ခတ်မှုကြောင့် ရေလယ်ကျွန်းဒေသရှိ အမျိုးသမီးတစ်ဦးလည်း သေဆုံးခဲ့သည်။
