မန္တလေးတောင်ခြေမှာ ကျင်းပနေတဲ့ ကျောက်တော်ကြီး ဘုရားပွဲဈေးမှာ ဒီနေ့ နေ့ခင်းပိုင်းက ပေါက်ကွဲမှုဖြစ်ပြီး ဈေးသည် အမျိုးသားတစ်ဦး ထိခိုက်ဒဏ်ရာရသွားတယ်လို့ ဒေသခံအချို့ထံကသိရပါတယ်။
ပေါက်ကွဲမှုဖြစ်ချိန်ဟာ ပွဲဈေး လူစည်ကားချိန် မဟုတ်ဘဲ နေ့ခင်း ၂ နာရီအချိန်မှာ ဖြစ်ပွားတာပါ။
စစ်ကောင်စီဘက်က ပေါက်ကွဲမှုနဲ့ပတ်သက်ပြီး တရားဝင် ထုတ်ပြန်တာမျိုးမရှိပါဘူး။
ဒါပေမယ့် စစ်ကောင်စီအာဘော်တွေကိုဖြန့်ဝေတဲ့ တယ်လီဂရမ်အချို့မှာတော့ ပွဲတော် ကျင်းပရာ ၆၆ လမ်း နဲ့ ၁၁ လမ်းထောင့် အမှိုက်ပုံ က ပေါက်ကွဲမှုဖြစ်တာလို့ ဖော်ပြပါတယ်။
ပွဲတော်ကျင်းပရာ နေရာအနီးမှာ စစ်ကောင်စီ တပ် လုံခြုံရေးယူထားတဲ့ အထူးစုံစမ်းစစ်ဆေးရေး (စစစ) ရုံး လည်းရှိပါတယ်။
Public Service Announcement
ပေါက်ကွဲမှုကြောင့် အသက် ၄၀ အရွယ် ဈေးသည် အမျိုးသားထိခိုက်ဒဏ်ရာရပြီး မန္တလေး ဆေးရုံမှာ ကုသမှုခံယူနေရပေမယ့် မစိုးရိမ်ရဘူးလို့လည်းစုံစမ်းသိရပါတယ်။
ပေါက်ကွဲမှုဖြစ်ပွားပြီးနောက် ညနေပိုင်းအချိန်မှာ ပွဲတော်ဆီ လာရောက်သူနည်းပါးသွားတယ်လို့ ပွဲဈေးကပြန်လာသူအချို့ကပြောပါတယ်။
ဓာတ်ပုံ − စစ်ကောင်စီ
