ကရင်ပြည်နယ်၊ ကြာအင်းဆိပ်ကြီးမြို့နယ်မှာ ပြီးခဲ့တဲ၁၀ ရက်တာအတွင်းဖြစ်ပွားတဲ့ တိုက်ပွဲတွေမှာ နှစ်ဖက်အကျအဆုံးရှိတယ်လို့ NUG ကာကွယ်ရေးဝန်ကြီးဌာနလက်အောက်ခံ အထူးစစ်ဆင်ရေးတပ်ဖွဲ့ ကအသိပေးပါတယ်။
တိုက်ပွဲတွေဟာ KNU တပ်မဟာ ၆နယ်မြေထဲမှာ အောက်တိုဘာလ ၂၇ ရက်၊ ၂၈ ရက်နဲ့ နိုဝင်ဘာလ ၂ ရက်နေ့မှာဖြစ်ပွားခဲ့တာပါ။
![ကြာအင်းဆိပ်ကြီးတိုက်ပွဲတွေအတွင်းနှစ်ဖက်အကျအဆုံးရှိ](https://i0.wp.com/www.ludunwayoo.com/wp-content/uploads/2023/11/399518548_674122421453220_3631468788335343269_n.jpg?resize=880%2C660&ssl=1)
အောက်တိုဘာလကုန်ပိုင်းက တိုက်ပွဲတွေဟာ ကြာအင်းဆိပ်ကြီးဒေသ ဖိုးချီးမူးတပ်စခန်းကို ရိက္ခာနဲ့ ခဲယမ်း ပို့ဆောင်တဲ့ စစ်ကောင်စီ စစ်ကြောင်းကို KNU နဲ့ ပူးပေါင်းတပ်တွေက ကြားဖြတ်တိုက်ခိုက်တာတာလို့သိရပါတယ်။
နိုဝင်ဘာလ ၂ ရက်တိုက်ပွဲကတော့ ကြာအင်းဆိပ်ကြီးမြို့ပေါ်မှာ စစ်ကောင်စီတပ်စွဲထားတဲ့ ရဲစခန်း ၊ထွေအုပ်၊ လဝက ၊သစ်တောနဲ့မီးသတ်ရုံးတွေကို ဝင်တိုက်တာလို့သိရပါတယ်။
![ကြာအင်းဆိပ်ကြီးတိုက်ပွဲတွေအတွင်းနှစ်ဖက်အကျအဆုံးရှိ](https://i0.wp.com/www.ludunwayoo.com/wp-content/uploads/2023/11/399797102_674122444786551_6717007590031708621_n.jpg?resize=880%2C660&ssl=1)
အဲဒီနေ့မှာပဲ ကြာအင်းဆိပ်ကြီးမြို့နယ် ထိုင်း − မြန်မာ နယ်စပ် က စစ်ကောင်စီရဲ့ ကွီလုံတိုင် စခန်းကို KNU နဲ့ ပူးပေါင်းတပ်တွေ ဝင်တိုက်ပါတယ်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
Public Service Announcement
၁၀ ရက်ကာလ တိုက်ပွဲဖြစ်စဉ်အတွင်း စစ်ကောင်စီဘက်က ၄၀ ကျော်အကျအဆုံးရှိတယ်လို့ အထူးစစ်ဆင်ရေးအဖွဲ့ရဲ့ထုတ်ပြန်ချက်မှာဖော်ပြပါတယ်။ ပူးပေါင်းတပ်တွေဘက်က တပ်ဖွဲ့ဝင်အချို့ လည်းကျဆုံးတယ်လို့ သိရပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)