ကချင်ပြည်နယ် မိုးမောက်မြို့နယ် ဒေါ့ဖုန်းယန် စစ်ကောင်စီတပ်စခန်းက ဒေါ့ဖုန်းယန်မြို့အတွင်းသို့ လက်နက်ကြီးဖြင့်ပစ်ခတ်၍ ပြည်သူထိခိုက်မှုရှိခဲ့ကြောင်း စစ်ရေးသတင်းရင်းမြစ်က ပြောသည်။
နိုဝင်ဘာ ၅ရက် နေ့လယ် ၂နာရီ ၄၄မိနစ်ခန့်တွင် ဒေါ့ဖုန်းယန် ခလရ(၁၄၂)တပ်က မြို့အတွင်းသို့ လက်နက်ကြီး ခုနစ်လုံး ပစ်ခတ်ခဲ့ခြင်းဖြစ်သည်ဟု ဆိုသည်။
![(စစ်ကောင်စီတပ် ပစ်ခတ်သောလက်နက်ကြီးကိည်နှင့် ဒဏ်ရာရသူနှစ်ဦးအား တွေ့ရစဉ်။ ဓာတ်ပုံ - ပေးပို့)](https://i0.wp.com/www.ludunwayoo.com/wp-content/uploads/2023/11/399481985_674149218117207_7205718876220959167_n.jpg?resize=608%2C1080&ssl=1)
![(စစ်ကောင်စီတပ် ပစ်ခတ်သောလက်နက်ကြီးကိည်နှင့် ဒဏ်ရာရသူနှစ်ဦးအား တွေ့ရစဉ်။ ဓာတ်ပုံ - ပေးပို့)](https://i0.wp.com/www.ludunwayoo.com/wp-content/uploads/2023/11/398727870_674149191450543_37337389415405960_n.jpg?resize=608%2C1080&ssl=1)
“လက်နက်ကြီး ခုနစ်လုံး ပစ်ထည့်လိုက်တာ နှစ်ခြင်းဘုရားကျောင်းဝင်း၊ဆေးရုံနဲ့လူနေရပ်ကွက်တွေထဲကျတယ်။ပြည်သူ နှစ်ဦးထိခိုက်ဒဏ်ရာရသွားတယ်။ အမျိုးသမီးတစ်ဦးနဲ့ အမျိုးသားတစ်ဦး။ ဒဏ်ရာရသူ နှစ်ဦးကိုဗန်းမော် ဆေးရုံကိုခေါ်သွားပြီ”ဟု စစ်ရေးသတင်းရင်းမြစ်က ပြောပြသည်။
တိုက်ပွဲဖြစ်ပွားမှုမရှိဘဲ စစ်ကောင်စီတပ်ဘက်က ပြည်သူရှိရာကိုပစ်မှတ်ထားပစ်ခတ်ခြင်းဖြစ်သည်ဟုဆိုသည်။ယခင်ကလည်း တိုက်ပွဲမရှိဘဲ လက်နက်ကြီးပစ်ခတ်မှုများကိုဒေါ့ဖုန်းယန် အခြေစိုက်တပ်က လုပ်ဆောင်ခဲ့၍ စာသင်ကျောင်းပျက်စီးမှု၊ လူထိခိုက်မှုအချို့ရှိခဲ့ဖူးသည်။
စစ်ကောင်စီတပ်သည် ကချင်လွတ်လပ်ရေးတပ်မတော်(KIA) ဌာနချုပ်နယ်မြေ လိုင်ဇာသို့လည်းယခု ရက်ပိုင်းအတွင်း လက်နက်ကြီးပစ်ခတ်မှုများ၊ လေကြောင်းတိုက်ခိုက်မှုများ လုပ်ဆောင်လျက်ရှိသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
Public Service Announcement
![](https://i1.wp.com/ludunwayoo.com/wp-content/uploads/2021/08/banner-logo1-50px.png)