ရှမ်းမြောက် ကိုးကန့်ဒေသ လောက်ကိုင်မြို့အနီးရှိ စစ်ကောင်စီတပ်စခန်း အချို့ကို ယနေ့ တိုက်ခိုက် သိမ်းပိုက်နိုင်ခဲ့သည်ဟု ကိုးကန့်တပ်မတော်(MNDAA) ပြောရေးဆိုခွင့်ရှိသူ လီကျာဝင်းက ပြောသည်။
၁၀၂၇ စစ်ဆင်ရေး ၃၈ရက်မြောက်နေ့ ဒီဇင်ဘာ ၃ရက် တိုက်ပွဲသတင်းများကို မေးမြန်းရာ ယခုကဲ့သို့ အသိပေးခြင်းဖြစ်သည်။
![(လောက်ကိုင်မြို့အနီးရှိ စစ်ကောက်စီ၏ တပ်စခန်းအချို့အား သိမ်းပိုက်ပြီးနောက် ရရှိသော လက်နက်ခဲယမ်းများ။ ဓာတ်ပုံ - The Kokang)](https://i0.wp.com/www.ludunwayoo.com/wp-content/uploads/2023/12/407849282_688356313363164_3598742840940429656_n.jpg?resize=810%2C1080&ssl=1)
![(လောက်ကိုင်မြို့အနီးရှိ စစ်ကောက်စီ၏ တပ်စခန်းအချို့အား သိမ်းပိုက်ပြီးနောက် ရရှိသော လက်နက်ခဲယမ်းများ။ ဓာတ်ပုံ - The Kokang)](https://i0.wp.com/www.ludunwayoo.com/wp-content/uploads/2023/12/407801754_688356330029829_1694439504635495964_n.jpg?resize=810%2C1080&ssl=1)
“ဒီနေ့ လောက်ကိုင် တုန်ချိန်တဝိုက်မှာပဲ တိုက်ပွဲတွေဖြစ်ပါတယ်။ အဲဒီနားတဝိုက် စစ်ကောင်စီတို့ ယာယီလာချထားတဲ့ တပ်စခန်းတွေ ရှင်းလင်းနိုင်ခဲ့တယ်”ဟု MNDAA ပြောရေးဆိုခွင့်ရှိသူက ပြောသည်။
ယနေ့ တိုက်ပွဲဖြစ်ပွားရာသည် လောက်ကိုင်မြို့ အနီး၌သာဖြစ်ပြီး မြို့တွင်း မဟုတ်ကြောင်း ပြောပြသည်။
![(လောက်ကိုင်မြို့အနီးရှိ စစ်ကောက်စီ၏ တပ်စခန်းအချို့အား သိမ်းပိုက်ပြီးနောက် ရရှိသော လက်နက်ခဲယမ်းများ။ ဓာတ်ပုံ - The Kokang)](https://i0.wp.com/www.ludunwayoo.com/wp-content/uploads/2023/12/407835153_688356353363160_6898967877487864405_n.jpg?resize=880%2C758&ssl=1)
လောက်ကိုင်မြို့သိမ်းတိုက်ပွဲကို သင့်တော်သည့် အချိန်တွင် ပြုလုပ်မည်ဟု MNDAAက ကြေညာထားရာ ယင်းနှင့်ပတ်သက်ပြီး MNDAA ပြောရေးဆိုခွင့်ရှိသူက “ကျနော်အပါအဝင် အခြေအနေကို စောင့်ကြည့်နေဆဲ အနေအထားမှာပဲရှိပါသေးတယ်”ဟု မြို့သိမ်းတိုက်ပွဲကိစ္စနှင့်ပတ်သက်ပြီး ပြောပြသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
Public Service Announcement
MNDAAနှင့် မဟာမိတ်တပ်များ ပူးပေါင်းပြီး ၁၀၂၇ စစ်ဆင်ရေးကို အောက်တိုဘာ ၂၇ရက်က စတင်ဆောင်ရွက်ခဲ့ရာ ယခုဒီဇင်ဘာလဆန်းအထိ စစ်ကောင်စီတပ်စခန်း ၂၃၀ကျော်ကို တိုက်ခိုက် သိမ်းပိုက်ထားပြီးဖြစ်သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)