မိထက်/People’s Spring
ဒုအရာခံဗိုလ် ရွှေသိန်းဦးစီးပြီး စစ်ကောင်စီတပ်ဖွဲ့ဝင် ၁၆ဦးရှိနေသော အဆိုပါစခန်းနှစ်ခုကို ဇူလိုင် ၂၀ရက် နံနက် ၇နာရီတွင် တိုက်ခိုက်သိမ်းပိုက်ခဲ့ခြင်းဟု ထုတ်ပြန်ထားသည်။
တိုက်ပွဲအတွင်း စစ်ကောင်စီဘက်မှ တပ်ကြပ်ကြီး ငါးဦးနှင့် တပ်ကြပ်သုံးဦးသေဆုံးပြီး ဒုအရာခံဗိုလ်ရွှေသိန်း၊ တပ်ကြပ်ကြီးလေးဦး၊ တပ်ကြပ်သုံးဦးဖမ်းမိထားသည်ဟု အသိပေးထားသည်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
ထို့အပြင် လက်နက်ငယ် (၂၃)လက်၊ ကျည်မျိုးစုံ (၃၃၇၉)တောင့်၊ လက်ပစ်ဗုံး လေးလုံး၊ ရှေ့ထွက်မိုင်းတစ်လုံးနှင့် ကျည်အိမ် (၉၉)ခု သိမ်းဆည်းရမိခဲ့သည်ဟု ဆိုသည်။
အဆိုပါစခန်းသိမ်းတိုက်ပွဲအား အထူးလှုပ်ရှား တပ်ရင်း-၃၊ မန္တလေးတိုင်း ဒရုန်းတပ်ဖွဲ့၊ သပိတ်ကျင်းမြို့နယ်၊ တကောင်းတိုက်နယ် ပကဖ ပူးပေါင်းအဖွဲ့က တိုက်ခိုက်ခဲ့ခြင်းဖြစ်ပြီး စစ်ကောင်စီဘက်မှ လေကြောင်းဖြင့် (၂) ကြိမ် ပစ်ခတ် တိုက်ခိုက်ခြင်းဗုံးကြဲ တိုက်ခိုက်ခြင်းများ ပြလုပ်ခဲ့သည်ဟု အမှတ် (၁)စစ်ဒေသက သတင်းထုတ်ပြန်ထားသည်။
![](https://i0.wp.com/www.ludunwayoo.com/wp-content/uploads/2024/07/452211288_820057356859725_2927482461779454816_n.jpg?resize=631%2C1080&ssl=1)
သပိတ်ကျင်းမြို့နယ်တွင် ပြီးခဲသည့် မတ်လက တိုက်ပွဲအပြင်းအထန်ဖြစ်ခဲ့ပြီး စစ်ကောင်စီတပ်မှ အလောင်း ၁၄လောင်း၊ လက်နက်ငယ် ၁၈လက်နှင့် လက်နက်ခဲယမ်းများ၊စစ် အသုံးအဆောင်ပစ္စည်းများ သိမ်းဆည်းရမိခဲ့ကြောင်း အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန(MOD)၊ အမှတ်(၁)စစ် ဒေသက သတင်းထုတ်ပြန်သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)