အောက်တိုဘာ – ၁၀ ၊၂၀၂၅ ၊နိုင်ပကောင်း/People’s Spring
မွန်ပြည်နယ်၊ ဘီးလင်းမြို့နယ်ထဲက KNU တပ်မဟာ (၁) ထိန်းချုပ်ရာ ပျဉ်းမပင်ဆိပ်ရွာကိုမနေ့ (အောက်တိုဘာ ၉ ရက်) ညပိုင်းက စစ်ကောင်စီလေတပ်က ဗုံးကြဲတာကြောင့် ကလေး ငါးဦး သေဆုံးသွားတယ်လို့ ဒေသတွင်းသတင်းရင်းမြစ်တွေဆီကသိရပါတယ်။
မွန်ပြည်နယ်နဲ့ ကရင်ပြည်နယ်အစပ်မှာရှိတဲ့ပျဉ်းမပင်ဆိပ်ကျေးရွာအနောက်ဘက်ခြမ်းကိုတိုက်ပွဲမဖြစ်ဘဲမနေ့ညပိုင်း၈ နာရီခန့်က လေယာဉ်နဲ့ဗုံးကြဲတာပါ။
အဲဒီတိုက်ခိုက်မှုအတွင်း အရပ်သား ငါးဦးသေဆုံးခဲ့ပြီး သေဆုံးသူအားလုံးဟာ ကလေးတွေဖြစ်ကြတယ်လို့ ကနဦးသိရပါတယ်။
Public Service Announcement
အသက်အရွယ်အားဖြင့်တော့ ၆ နှစ်ကနေ ၁၂နှစ်အရွယ်တွေဖြစ်ကြပါတယ်။ ဒဏ်ရာရသူတွေလည်း ၁၀ ဦးဝန်းကျင်ရှိတယ်လို့သိထားရပါတယ်။
ဗုံးကြဲတိုက်ခိုက်ခံရမှုဖြစ်စဉ်နဲ့ပတ်သက်ပြီး KNU တပ်မဟာ(၁)တာဝန်ရှိသူတွေထံ ဆက်သွယ်မေးမြန်းနေပေမယ့် အဆက် အသွယ်မရသေးပါဘူး။
ဒီနေ့ (အောက်တိုဘာ ၁၀ ရက်) မနက်ပိုင်းမှာလည်း KNU တပ်မဟာ (၄) ထိန်းချုပ်နယ်မြေ ထီးခီးကျေးရွာထဲဗုံးကြဲတိုက်ခိုက်လာတယ်လို့သိရပါတယ်။
ပြီးခဲ့တဲ့ရက်ပိုင်းကတော့ ဖာပွန်ခရိုင်၊ KNU တပ်မဟာ(၅)နယ်မြေထဲကို စစ်ကောင်စီတပ်ကလေကြောင်းတိုက်ခိုက်ရာမှာ ကျောင်းသူအချို့ ထိခိုက်ဒဏ်ရာရရှိခဲ့တယ်လို့ တပ်မဟာ (၅) က သတင်းထုတ်ပြန်ထားပါတယ်။
