အမေရိကန်တပ်ဖွဲ့ ဟာ ဗင်နီဇွဲလားကို စစ်ဆင်ရေးတစ်ရပ်ဆင်နွှဲပြီး သမ္မတဖြစ်သူ နစ်ကိုလက်စ် မာဒူရို ကို လက်ရဖမ်းဆီးလိုက်ပြီလို့ သမ္မတ ထရမ့်က သူရဲ့လူမှုကွန်ရက် Truth မှာရေးသားအသိပေး လိုက်ပါတယ်။
ဗင်နီဇွဲလားသမ္မတနဲ့ဇနီးဖြစ်သူတို့ကို နိုင်ငံပြင်ပဆီ ခေါ်ထုတ်လာပြီလို့ လည်း ထရမ့်ကရေးသားထားပါတယ်။
ဒေသစံတော်ချိန် ဇန်နဝါရီ ၃ ရက် မနက် ၂ နာရီ ဝန်းကျင်ကစပြီး ဗင်နီဇွဲလားရဲ့ မြို့တော် ကရာကက်စ်မှာ နေရာအနှံ့ ပေါက်ကွဲသံတွေ ဆူညံနေခဲ့သလို ခပ်နိမ့်နိမ့် ပျံသန်းသွားတဲ့ ရဟတ်ယာဉ်တွေ ကိုလည်း မြင်ရကြောင်း ဒေသခံတွေက ပြောပါတယ်။
Public Service Announcement
အမေရိကန် အစိုးရ ရုံးစိုက်ရာ အိမ်ဖြူတော်နဲ့ အမေရိကန် ကာကွယ်ရေး ဝန်ကြီးဌာနဖြစ်တဲ့ ပင်တဂွန် စစ်ဌာနချုပ်တို့ကတော့ ဒီကိစ္စအပေါ် တရား ဝင် ကြေညာချက်တွေ မထုတ်ပြန်သေးပါဘူး။
ထရမ့်ဟာ သမ္မတ နစ်ကိုလက်စ် မာဒူရိုရဲ့ အစိုးရကို မူးယစ်ဆေးဝါး မှောင်ခို လုပ်ငန်းတွေနဲ့ ဆက်နွှယ်ကြောင်း စွပ်စွဲထားပြီး မာဒူရိုကတော့ ငြင်းဆိုထားပါတယ်။
အမေရိကန်ဟာ ဗင်နီဇွဲလားနဲ့ ပတ်သက်တဲ့ ရေနံတင် သင်္ဘောတွေကို စီးနင်းသိမ်းယူတာ၊ မူးယစ်မှောင်ခို လှေတွေအဖြစ် စွပ်စွဲထားတဲ့ ရေယာဉ်တွေကို တိုက်ခိုက်နှစ်မြှုပ်တာတွေ လုပ်ဆောင်ခဲ့သလို နောက်ဆုံးမှာတော့ ဗင်နီးဇွဲလားနိုင်ငံထဲထိ စစ်ဆင်ရေးဆင်နွှဲပြီး သမ္မတ နစ်ကိုလက်စ် မာဒူရို ကို ဝင်ရောက်ဖမ်းဆီးခဲ့တာလည်းဖြစ်ပါတယ်။
ကိုးကား ၊ ဓာတ်ပုံ – reuters
