အီရန်နဲ့ဖြစ်နေတဲ့ စစ်ပွဲကို အနာဂတ်အမေရိကန်မျိုးဆက်တွေအတွက် “ရင်းနှီးမြှုပ်နှံမှု” တစ်ခုအဖြစ် သဘောထားပြီး မစိုးရိမ်ကြဖို့ အမေရိကန်ပြည်သူတွေကို သမ္မတဒေါ်နယ်ထရမ့်က ဧပြီ ၁ ရက်နေ့ သူ့ရဲ့ ရုပ်သံ မိန့်ခွန်းမှာ ပြောလိုက်ပါတယ်။
ဒါ့အပြင် အီရန်စစ်ပွဲဟာ ပြီးဆုံးလုနီးပြီ ဖြစ်ကြောင်းနဲ့ နောက်ထပ် နှစ်ပတ်ကနေ သုံးပတ် လောက်ပဲ ကြာတော့မယ်လို့လည်း ထရမ့်က ပြောပါတယ်။
အခုအခါ အီရန်မှာ လေတပ်နဲ့ ရေတပ်တွေ မရှိတော့သလို ဒုံးကျည်တွေလည်း ကုန်သလောက် ဖြစ်တာကြောင့် အီရန်စစ်တပ်ဟာ အင်အားချည့်နဲ့သွားမှာ ဖြစ်သလို၊ အကြမ်းဖက်အဖွဲ့တွေကို ကူညီနိုင်စွမ်းလည်း ပျက်စီးသွားမှာဖြစ်ပြီးတော့ နျူကလီးယားဗုံး ထုတ်လုပ်နိုင်စွမ်းလည်း လုံးဝမရှိတော့ဘူးလို့ ထရမ့်က ဆိုပါတယ်။
ရေလက်ကြား ပြန်ပွင့်သွားရင် ရေနံတွေပြန်ပြီး တင်ပို့နိုင်မှာဖြစ်သလို ဆီဈေးလည်း ချက်ချင်း ပြန်ကျသွားမှာ ဖြစ်တယ်လို့ ထရမ့်က သူ့ရဲ့ မိန့်ခွန်းမှာ ပြောခဲ့ပါတယ်။
စွမ်းအင်ဈေးကွက် ကျွမ်းကျင်သူတွေရဲ့ အဆိုအရ ဟော့မုဇ် ရေလက်ကြားကို ပြန်မဖွင့်ဘဲ စစ်ပွဲကိုပဲ ရပ်လိုက်ရုံနဲ့တော့ အခုဖြစ်နေတဲ့ စွမ်းအင်အကျပ်အတည်းက ပြေလည်သွားဖို့ မရှိဘူးလို့ ပြောထားကြပါတယ်။
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် /qurium/myanmar-now.org/mm-members.html တွင် ကူညီနိုင်ပါသည်။
