“စတားလင့်ခ် ပိတ်သွားလို့ ဒီအလုပ်တွေ အကုန်ရပ်တန့်မှာ မဟုတ်ဘူး။ တက်မရှိရင် လက်နဲ့လှော်မှာပဲ”

အာဏာသိမ်းစစ်တပ်ရဲ့ အင်တာနက်နဲ့ ဖုန်းလိုင်းဖြတ်တောက်မှုတွေကြောင့် ရခိုင်၊ စစ်ကိုင်း၊ ကရင်နီနဲ့ ကချင်စတဲ့ တော်လှန်ရေးနယ်မြေတွေမှာ စတားလင်ခ်(Starlink) ဂြိုဟ်တုအင်တာနက်ဟာ တော်လှန်ရေးတပ်ဖွဲ့တွေအတွက်သာမက ဒေသခံပြည်သူတွေအတွက်ပါ အဓိက ဆက်သွယ်ရေးအသက်သွေးကြောတစ်ခု ဖြစ်လာခဲ့ပါတယ်။ ပညာရေး၊ ကျန်းမာရေး၊ သတင်းအချက်အလက်နဲ့ လေကြောင်းရန်သတိပေးစနစ်တွေကိုလည်း Starlink အပေါ် အားထားအသုံးပြုနေကြတာ ဖြစ်ပါတယ်။

ဒါပေမဲ့ ဒါပေမဲ့ Elon Musk ရဲ့ SpaceX ကုမ္ပဏီက လည်ပတ်တဲ့ Starlink ဝန်ဆောင်မှုဟာ ၂၀၂၆ ခုနှစ်၊ ဩဂုတ် ၁၇ ရက်ကစပြီး မူဝါဒအသစ် စတင်အသက်ဝင်တော့မှာ ဖြစ်ပါတယ်။ အဲဒီမူဝါဒအရ ပြည်ပအသုံးပြုမှုအပေါ် ကန့်သတ်ချက်တွေ တိုးလာနိုင်ပြီး အကောင့်အချို့လည်း စတင်ပိတ်ခံနေရပါတယ်။ ဒါကြောင့် မြန်မာနိုင်ငံက Starlink အသုံးပြုသူတွေကြားမှာ အင်တာနက်ပြတ်တောက်သွားနိုင်တဲ့ စိုးရိမ်မှုတွေ မြင့်တက်နေသလို အသုံးစရိတ်လည်း ပိုမိုမြင့်မားလာနိုင်တယ်လို့ ခန့်မှန်းနေကြပါတယ်။

စတားလင့်ခ် အသုံးပြုခွင့် ကန့်သတ်လာခဲ့ရင် မြေပြင်မှာ ဘယ်လိုရိုက်ခတ်မှုတွေ ဖြစ်လာနိုင်သလဲ၊ စစ်ရေးအပါအဝင် ကျန်းမာရေး၊ ပညာရေး၊ သတင်းမီဒီယာနဲ့ လေကြောင်းရန် သတိပေးစနစ်တွေအပေါ် ဘယ်လောက်အထိ သက်ရောက်နိုင်သလဲဆိုတာကို ကရင်နီနဲ့ အညာဒေသတွေမှာ မြေပြင်လုပ်ငန်းတွေကို ကိုယ်တိုင်ဆောင်ရွက်နေတဲ့ နွေဦးဂုရုလေးများအဖွဲ့နဲ့ Federal FM တည်ထောင်သူ ကိုတင့်ဇော်ဟိန်းကို မေးမြန်းတင်ဆက်ထားပါတယ်။

မေးမြန်း၊ တင်ဆက် – သဇင်လှိုင်

ရိုက်ကူး၊ တည်းဖြတ် – မြတ်ကြီး 

Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် /qurium/myanmar-now.org/mm-members.html တွင် ကူညီနိုင်ပါသည်။