اطلاعات روز: زابل کې سيمه ييزې سرچينې خبر ورکوي، چې د دې ولايت په شاجوی ولسوالۍ کې يو تنکی ځوان د نامعلومو کسانو له لوري د چاقو په ګوزارونو وژل شوی دی.
سيمه ييزي سرچينې وايي، چې د حکمت الله په نوم دا ځوان د زابل ولايت د شاجوی ولسوالۍ د «پاسنو» کلي اوسيدونکی و او د یادې ولسوالۍ په مربوطاتو کې يې ټکسيواني کوله.
سرچينې زیاتوي، چې نوموړی تېره ورځ (جمعه، ۲۵ د تلې) يو کس دربست کړی و او بیا د ولسوالۍ اړوند د غر یوې ډډې ته يې له ځان سره بیولی و او هلته يې د څو نورو کسانو په مرسته وژلی دی.
سرچينې وایي، چې پيښه پرون مازديګر مهال رامنځته شوې او قاتلين د سيمې څخه تښتيدلي دي.
تر اوسه زابل کې د طالبانو سيمه ييزو مسوولينو د دې پيښې په اړه رسنيو ته څه نه دي ويلي.
