ABŞ-ın ATƏT-dəki missiyasının rəhbəri Harri Kamian “Turan” agentliyinin direktoru Mehman Əliyevin həbsinə etiraz bildirən bəyanatla çıxış edib. H.Kamian bildirib ki, Azərbaycan hakimiyyəti M.Əliyevi və qalan bütün siyasi məhbusdları dərhal azad etməlidir.
“Azərbaycanın sonuncu müstəqil informasiya agentliyi olan “Turan”nın rəhbəri Mehman Əliyevin həbsi bizdə ciddi narahatlığa səbəb olub. Eyni zamanda, agentliyin bank hesabının dondurulması, vergidən yayınmada ittiham da hədsiz narahatlıq yaradan amildir. Biz Mehman Əliyevin həbsini son dövlərdə Azərbaycanda söz və mətbuat azadlığının kəskin məhdudlaşdırılması fonunda baş vermiş daha bir pis hadisə kimi qiymətləndiririk. May ayında bir neçə müstəqil mətbuat orqanının bloklanması azad mətbuata qarşı ciddi repressiya hesab olunmalıdır.
Biz Azərbaycan hakimiyyətini Mehman Əliyevi və fundamental insan hüquqlarını reallaşdırmağa çalışdıqlarına görə həbs edilmiş bütün şəxsləri dərhal azad etməyə çağırırıq.”
azadliq.info
Oxunub: 636