AXCP sədri Əli Kərimli fb səhifəsində hakimiyyətin müstəqil vəkilləri hədəfə almasını repressiya kimi qiymətləndərirək cəmiyyəti onlara dəstək olmağa çağıran status paylaşıb:
“Rejimin hədəfində indi dә peşəkar və vicdanlı vəkillərdir. Hakimiyyətin siyasi məhbuslara qarşı uydurduğu qondarma ittihamları darmadağın etdikləri, məhbuslara qarşı qəddar davranışları cəsarətlə ictimailəşdirdikləri üçün nüfuzlu vəkillər Fəxrəddin Mehdiyev, Yalçın İmanov, Əsabəli Mustafayev, Nemət Kərimov, Agil Layıcov və Elçin Sadıqovu Vəkillər Kollegiyasından uzaqlaşdırmaq istəyirlər. Artıq prokurorluq Vəkillər Kollegiyasına rəsmən müraciət göndərib. Kimlərsə düşünürsə ki, söhbət 6 nəfər vəkilin, uzaqbaşı vəkillərin taleyindən gedir, çox ciddi yanılır. Söhbət vəkilləri susdurmaqla bütün məhbusları təcrid etmək, bu yolla da cəmiyyəti tam olaraq ram etmək planından gedir. Millət olaraq ayaqda olmalıyıq, ölkəmizi Şimali Koreyaya, Türkmənistana çevirmək istəyənlərə imkan verməməliyik.”
Oxunub: 648
