Britaniyanın baş naziri Tereza Mey martın 14-də bəyan edib ki, Britaniya Kəşfiyyatı və Milli Cinayət Agentliyi bu ölkənin ərazisində iri korrupsionerlərin maliyyə- biznes davranışlaını nəzarət altına götürüb və xüsusi təhqiqat aparılır. Tereza Mey bunu Rusiya prezidenti Vladimir Putinin çevrəsinə daxil olan bəzi şəxslərin və şirkətlərin, o cümlədən «Rosoboroneksport» şirkətinin maliyyə əməliyyatları ilə bağlı aparılan araşdırma işləri ilə bağlı vurğulayıb.
Britaniyadan “Azadlıq”a məlumat verən mənbə əlavə edir ki, bu ölkədə İlham Əliyevin də ailəsi daxil olmaqla daha 4 azərbaycanlı ailənin biznes- kommersiya fəaliyyətləri məxfi araşdırmalara cəlb edilib. Mənbə, kəşfiyyat nəzarəti altına verilən daha 4 ailənin məhz, kimlərdən ibarət olduğunu dəqiqləşdirməyib, amam yaxın zamanlarda bu barədə məlumatların üzə çıxacağını təkidlə bildirib. Gün ərzində Prezident Administrasiyasına bu barədə verdiyimiz sorğulara heç bir cavab ala bilmədik.
azadliq.info
Oxunub: 1102
