Dövlətdən əlini üzən vətəndaş xalqa səslənir
![](https://i1.wp.com/www.azadliq.info/wp-content/uploads/2019/10/received_460410201487215-768x1024.jpeg)
Lerik rayonu Bradi kənd sakini Qurbanov Qədir Qurbanəli oğlu sosial şəbəkə üzərindən səhifəmizə yazır: “Üçü azyaşlı məktəbli olmaqla 5 nəfər ailə üzvümüz var. Özüm 3-cü qrup əliləm, cəmi 110 manat sosial müavinat alıram. Nə işləməyə iş var, nə də kənarda gedim işləməyə imkanım. Aldığım 110 manat dava-dərmanlarıma çatmır. İsti havalarda yenə bir təhər keçinə bilirik, qış aylarında ailəmiz aclıq və soyuqdan ölüm təhlükəsi ilə üz-üzə qalır”.
![](https://i1.wp.com/www.azadliq.info/wp-content/uploads/2019/10/received_529999347853514-1024x768.jpeg)
Qurbanov Qıdir bu barədə dəfələrlə Lerik Rayon İcra hakimiyyətinə müraciət etsə də, heç bir kömək olmadığını, ancaq yalan vədlərlə onu yola verdiklərini bildirib: “İş yerləri açılsa məni işlə təmin edəcəklərini deyirlər. İcra hakimiyyəti və digər qurumlardakı şəxslər ümid verməklə işlərini bitmiş sayırlar. Amma gələn yaza çıxmağımıza ümidimiz yox. Qohum-əqraba, qonşular ərzaq və yeməklə yardım edirlər. Evimiz qəzalı vəziyyətdədir. Hər an üstümüzə uşa bilər. Qar- yağış suları başımıza tökülür”.
![](https://i1.wp.com/www.azadliq.info/wp-content/uploads/2019/10/received_409577839724984-768x1024.jpeg)
Müraciətin sonunda xəcalət çəkdiyini və Azərbaycan xalqından kömək istədiyini deyən Qurbanov Qədir: “Bütün dövlət orqanalrına etdiyimiz müraciətlər cavabsız qaldığı üçün, çarəsiz qalıb utana-utana Azərbaycan xalqına müraciət etmək məcburiyyətində qaldım. Bilirəm xalqımız məni bu çətin vəziyyətdə qoymaz. Onda hakimiyyətdəkilər görəsən utanacaqmı?”-deyə qeyd edib.
Qurbanov Qədir Qurbanəli oğlunun yaşadığı evin fotoşəkillərini və əlaqə nömrəsini təqdim edirik.
![](https://i1.wp.com/www.azadliq.info/wp-content/uploads/2019/10/received_2415689172007495-768x1024.jpeg)
![](https://i1.wp.com/www.azadliq.info/wp-content/uploads/2019/10/received_540687603382471-768x1024.jpeg)
![](https://i1.wp.com/www.azadliq.info/wp-content/uploads/2019/10/received_2667777790105289-768x1024.jpeg)
Lerik rayonu, Bradi kəndi, əlaqə telefonu 077 751 09 70
azadliq.info