Spiker Oqtay Əsədov tərəfindən ədalətsiz işdən cıxarılan müdir deputat olmaq istəyir
Bir az əvvəl Milli Məclisdəki 20 illik işindən çıxarılan Rahim Axundovu xatırlayırsınız. Beynəlxalq parlament təşkilatları ilə iş sektorunun müdiri işdən çıxarılma səbəbini belə izah etmişdi: “Milli Məclisdə işləyirdim, sektor müdiri idim. Milli Məclisin sədri Oqtay Əsədov məni işdən çıxardı.” Axundovun MM-də tutduğu sektor müdiri vəzifəsi, hardasa, nazir müavini statusuna yaxındır və Parlamentdə təsnifata görə yüksək məqam sayılır. Onun işdən azad edilmə səbəblərinin təfərrüatlarını geniş şəkildə yazmışdıq. İDünən R. Axundov açıqlama verərək, parlament seçkilərində namizədliyini irəli sürəcəyini bildirib.
O zamanlar bəlli olmuşdu ki, Rahim Axundovu xüsusi xidmət orqanlarının təqdimatı ilə işdən çıxarmışdılar, xüsusi xidmət orqanlarının hansı təqdimatı və hansı faktlara görə tərtib etdiyi bəlli olmamışdı, amma sonra 200 min dollar istədilər ki, işə bərpa etsinlər.
Milli Məclisdə bütün vəzifələrin pulla alınıb-satıldığı barədə söhbətlər arasında R. Axundov məsələsi yeganə arqument deyil: «Şöbə rəisi və sektor müavini vəzifəsindən tutmuş, süpürgəçi vəzifəsinə qədər hamısını satırlar. Oralarda hamı bu fikirdədir ki, bu pullar spikerə və aparat rəhbərinə çatır. Orda deputat siyahıları da var, deputat olmaq üçün hər namizəddən 1-2 milyon pul istəyirlər. Məclisdə isə deputatlar öz adamları olan işçiləri qoruyur, otaqlarda hər kəs öz aləmindədir, iş görən yoxdur. Amma öz maraqlarına uyğun olmayan günahsız adamları işdən çıxarırlar.” Bu fikirlər də işdən çıxarılmış sektor müdirinə aiddir və təəssüf ki, sektor müdiri Axundovun dedikləri əsl həqiqətdir. Əsədov hamını belə qorxudur ki, o, Mehriban Əliyeva ilə yaxındır və onunla “haqq-hesab” söhbəti var. Parlamentdə hamıya danışıb ki, Spiker seçilmək üçün Mehriban Əliyeva ondan tennis akademiyasını istəyib və o, balaca Heydərə həmin bu tennis akademiyasını bağışlayıb.