Deyilənə görə, vitse-diktator Mehriban Əliyevanın gündəlik iş vaxtı cəmi iki saat çəkir. O, həmin iki saat ərzində “Port-Baku”dakı ofisində oturub lazım olan sənədləri imzalayır, tapşırıqlarını verir və çıxıb gedir öz şəxsi işlərinin arxasınca. Şübhə etmirik, amma hakimiyyətin ən “işgüzar” adamının Mehriban Əliyeva olduğunu da yaxşı bilirik. Siyasətin qaynar nöqtəsində oturub, dünyanın gündəlik geyim dəblərindən tutmuş, hansı məşhurun harda nə plastik əməliyyat keçirməsinə qədər hər şeylə maraqlanmağa vaxt tapır. Üstəlik, klanlararası intriqalarda da önəmli rolu var, ayağına dolaşan düşmənlərinə tələ qurmağı əla bacarır. Öz komandasını formalaşdırmaq üçün itaətkar kadrların axtarışı ilə məşğul olur. Ölkədə gəlir gətirən böyük şirkətləri sıradan çıxarıb, həmin sahələrin Paşayevlər konsorsiumunun əlinə keçməsi üçün gündəlik planlar qurur. Halal yol ilə pul qazanmış iş adamlara qarşı hücumlar hazırlayır. Həftəlik ailənin qeyri-qanuni büdcəsinə gələn milyonların haqq-hesabını aparır. Görüşlər keçirir, dövlət büdcəsindən milyonların silinməsi üçün layihələr cızır. Heydər Əliyev Fondunun boş qalmaması üçün mənbələr axtarır. “Mərhəmətli ledi” piarı üçün yeni vasitələr düşünür. Həyat tərzini, geyimlərini, fəaliyyətini izlədiyi məşhur şahzadələrlə bağlı gündəlik xəbərləri diqqətdə saxlayır. Roland Mouretin kolleksiyalarından, “ Roberto Cavalli Resort”, “Monique Lhuillier”, “Giuseppe Zanotti”, “Tiffany & Co”, “Balmain”, “Alexander McQueen”, “Herve Leger”,“Dolce&Gabbana”nın gündəlik brendlərindən xəbər tutur. Şəxsi mağazaları “Escada”, “İmporium”, “Armani”də alış-verişin necə getdiyi ilə maraqlanır. Parlamentə düşəcək adamların siyahısını nəzarətdə saxlayıb, onlara düzəlişlər edir. Kimlərə hansı qiymətə mandat satılacağının qeydiyyatını aparır. Ondan geriyə qalan vaxtı da öz istirahətinə, əyləncə və komfortuna sərf edir. Yeri gəlmişkən, bizim Ledi çox simicdir, amma tarixə nəzər salsaq hacıqaralıq fenomeninin, yəni simicliyin milyonçular arasında paranoyaya çevrilməsi halları kasıbın pul tapması hallarından daha çox olduğunu görərik. Lakin, hörmətli Mehriban xanım unutmasın ki, onun pulu haram puldur. Çətinliklə qazanılan pulun isə bərəkəti olur. Sel kimi gələn pul isə elnən gedir. Bu da bir xalq məsəlidir. Bizim xanım şöhrəti çox sevir, lakin unutmasın ki, hətta Balzak demişdir ki, “şöhrət çox bahalı, lakin tez xarab olan maldır.”
Təəccüblənməyin və xanım Əliyevanın iki saat içində bu qədər işi necə bacardığına da təəccüblənməyin. Əslində, məsələ çox sadədir. Vitse-diktator zəbt etdiyi postda özünə aid olan bütün işləri başqalarına gördürür. Maneken xanımın böyük siyasətdən anlayışı yox, bunu onun önəmli görüşlərində də hiss etmək çətin deyil. Xatırlayırsınızsa, ABŞ diplomatlarının məxfi teleqramlarını açıqlayan məşhur “WikiLeaks” sənədlərində Əliyevanın brend geyimləri və estetik əməliyyatlarından başqa, bir maraqlı məsələ də yer almışdı. Görüş əsnasında Mehriban Əliyeva Hillari Klintonun Demokratlar Partiyasını təmsil etdiyini eşidəndə təəccüblənir və bu təəccübünü xarici diplomatlardan gizlədə bilmir. Elə vitse-diktator xanım diplomatiya və siyasətdən naşı olduğuna görə də, ofisində çoxlu köməkçi saxlayır. Həmin köməkçilərin hərəsi bir önəmli sahənin mütəxəssisi olaraq, xanımın işlərini düzüb qoşur və hazır şəkildə masanın üstünə gətirir. Bəlkə, bir vitse-diktatorun çox sayda köməkçi saxlamasında elə böyük bir qəbahət də yox. Amma problem dövlətin mühüm bir siyasi postunda oturub, o postun məsuliyyət səviyyəsini belə anlamamaqdadır. Hələ bu problem də bəs deyilmiş kimi, belə diletant birinin ordan da yuxarı getmək iddiasındadır.
Dərd bundadır ki, xanım Əliyevanın iddiaları siyasi bilik-bacarıqlarından xeyli böyükdür. Onun prezidentlik kürsüsünə göz dikməsi də bir başqa bəladır. Qayınatasının ölümündən sonra birinci ledi kimi siyasi meydana ayaq açan təkəbbürlü gəlinin iddiaları az vaxtda yerə-göyə sığmaz oldu. İndi də o, özünü zorakılıq üzərində qurulmuş sülalə hakimiyyətin davamçısı hesab edir. Özünü ərinə vitse-prezident edən xanım yüzlərlə insanın qanı üzərindən keçib taxta oturan diktator ərinin təcrübəsindən çıxış edərək düşünür ki, o da bu şəkildə yola davam edə bilər. Yəni siyasətdə piyada biri olaraq, İlham Əliyev 16 ildir millətə necə ot yoldurursa, o da elə. Ölkənin görəcək günləri var. Belə görünür ki, xalq öz faciələrinə səssiz qaldıqca, o ağrılı-acılı günlər də heç bitməyəcək.