AXCP RH üzvü Fuad Qəhrəmanlı
Yenə vurnuxurlar. Dünən Fəzail Ağamalının dili ilə Ramiz Mehdiyevə barmaq silkələyiblər. İlk baxışda Ramizlə nə işləri, adam otrub günlərini sayır. Bundan sonra durub siyasi iddiaya düşəsi deyil ki.
Ancaq məsələ heç də Ramiz Mehdiyevin şəxsiyyəti ilə bağlı deyil. Ramiz Mehdiyevə olan bu hücum, əslində hakimiyyət daxilində yeni bir təmizləmə əməliyyatının anonsu da hesab oluna bilər. Çünki hakimiyyətin ötrülməsi prosesi məsələsində köhnə komandanın sobataj təhlükəsi hələ də qalmaqdadır. Diqqətli olanlar xatırlayar ki, bir iki ay öncə Ramiz Mehdiyev məqalə yazıb, Paşayevlərə bağlı olanları nəzərdə tutaraq, heç bir təəcrübəsi olmayanların hakimiyyətə gətrilməsinin təhlükəli ola biləcəyini demişdi. İndi Fəzailin dili ilə sobataj riski yarada bilənlərə qarşı təmizləmə əməliyyatının ideoloji siyasi zəmini hazırlanır. Yoxsa şəxsiyyəti ilə öz soyadını çox dəqiq simvolizə edən Fəzail kimdir ki, durub dururkən belə ittiham səsləndirsin.
İkinci ehtimal budur ki, İlham Əliyev qələbənin ildönümü ilə bağlı Putinin dəvəti əsasında keçrilən tədbirə getməkdən imtina edib. Bu onun hakimiyyətdə olduğu 17 il ərzində ilk imtinasıdır. Bu imtinadan öncə Dağıstanla sərhəddə azərbaycanlılara qarşı törədilən vəhşilik, əslində, iki ölkə arasında hələ ki, latent şəkildə mövcud olalan gərginliyin nəticəsi idi. Azərbaycan iqtidarı buna açıq cavab verə bilmədi. Ancaq əvəzində, Rusiyanın hakimiyyət daxilindəki şəbəkəsinin başında duran Ramiz Mehdiyevi hədəf alınmaqla, əslində Putinə hansı istiqamətdə cavab verilə biləcəyinin anonsu edilir. İlham Əliyevə Putin arasındakı münasibət nə qədər yaxın olsa da, Putin hər zaman Azərbaycan iqtidarı daxilində Rusiyaya birbaşa bağlı şəbəkə ilə nəzarət paketini əlində saxlamağa çalışıb. Necə deyərlər işini etibarlı tutmağa çalışıb.
Ona görə də, ehtimal olunur ki, daxildəki pandemiya, iqtisadi böhranla yanaşı, hakimiyyət üçün növbəti geopolitik gərginlik problemi yaşanmaqdadır.
Bu gərginliyin nə ilə bağlı ola biləcəyini isə növbəti yazıda araşdıracağıq.