17 yaşlı oğul anasını öldürüb
Mingəçevir şəhərində, məcburi köçkünlərin məskunlaşdığı “Yeni Həyat” qəsəbəsində qətl hadisəsi baş verib. Hadisə iyunun 21-də, saat 05 radələrində qeydə alınıb. Qəsəbə sakini, 3 uşaq anası, 1974-cü il təvəllüdlü Birliyant Hacıyeva yaşadığı evdə oğlu, 2003-cü il təvəllüdlü Elmir Hacıyev tərəfindən bıçaqlanaraq öldürülüb.
Mərhumənin anası Bəsti Babayevanın sözlərinə görə, kürəkəni 10 il öncə rəhmətə gedib: “Qızım kafedə kətə bişirməklə məşğul olurdu. Övladlarından biri hərbi xidmətdədir. Hadisəni törədən 17 yaşlı oğlu Elmir gecə saat 4-də evə gələrək yatdığı yerdə qızımın ürək nahiyəsinə 25 bıçaq zərbəsi endirib. Deyilənə görə, içkili olub”.
Qeyd edək ki, prokurorluq və polis əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib. Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. İkin istintaqla hadisənin zərərçəkmişin oğlu, 2003-cü il təvəllüdlü Elmir Hacıyev tərəfindən qısqanclıq zəminində aralarında yaranan münaqişə zamanı törədilməsinə dair əsaslı şübhələr müəyyən edilib. Həyata keçirilən istintaq-əməliyyat tədbirləri nəticəsində E.Hacıyev Cinayət Məcəlləsinin qeyd edilən maddəsi ilə nəzərdə tutulan cinayət əməlini törətməkdə şübhəli şəxs qismində tutularaq istintaqa cəlb edilib.
Azər