AXCP Rəyasət Heyətinin üzvü Fuad Qəhrəmanlı
İlk general şəhid olmaq onun qismətinə düşdü. General rütbəsinin döyüşlərdə qoruyucu zireh olmadığı, cəmiyyətdə imtiyaz yaramadığını o, öz şəhidliyi ilə bizə duyurdu.
O, əsgərlə birlikdə səngərdə düşmənlə üz-üzə duraraq, əsil generallığın əsgər qəhrəmanlığı və cəsarəti ilə döyüşlərdə qazanıldığını göstərdi.
İllərlə kirayə mənzildə yaşayaraq, general rütbəsinin adi, sadə vətəndaşdan üstün, komfortlu həyat tərzi üçün imtiyaz olmadığına inandırdı bizləri.
Şəhadətindən sonra əsgərlərinin onun haqqında danışdıqları gözəl xatirələrdən aydın oldu ki, Polad Həşimov təkcə hərbidə sərt və cəsarətli xarakter tələb edən general yox, həm də əsgərlərə qarşı şəfqət və diqqətlə yanaşan böyük bir İnsan imiş.
Biz həm də Şəhid olmuş böyük İnsanımızın doğum gününü anırıq bu gün.
General Şəhidim, sən o məqama yemisən ki, iki mövlud günü ilə anılacaqsan bundan sonra.
Biri səngərdə ölməzlik üçün doğulduğun Şəhadətə qovuşduğun gün, bir də bir insan olaraq dünyamıza gəldiyin bu gün.
Allah məqamında diri kimi anılan, bizlərin də qəlbində yaşayan Şəhidim, doğum günün mübarək.