Vətən müharibəsindən öncə «Çaykənddə «Üzük» verdik, Şuşada bizə «Dağlarda toy» tutdular. Qaldı Anahiti Xankəndində doğuzdurmağımız»… adlı bir məqalə yazmışdım. Döyüşlərin gedişində bu yazını təkrarən yayınladım. Buna səbəb Şuşa və Xankəndində doğum evlərini hərbi qospitala çevirmişdilər və daxil olan yaralılar «doğan qadınlar» kimi bağırırdılar. Yazıya bunu əks etdirən kadrları seyr edib belə giriş vermişdim: «Çaykənddə «Üzük» verdik, Şuşada bizə «Dağlarda toy» tutdular. Qalmışdı Anahiti Xankəndində doğuzdurmağımız. Doğrusu, bizləri görüncə bunların «kişilərinin» «doğacağını» gözləmirdim»…
Yenidən mövzuya qayıtmağıma səbəb olan ilginc fakt «sülhməramlı» rus əsgərlərinə xidmət edən tibbi personalın içində 12 ginekoloqun olmasıdır. Bunu 5-ci kolonun nökərləri bilərlər, rus «soldatlarını» ginekoloqmu yoxlayır? Yoxsa bu rus «soldatları» da erməni «azadmartikləri» kimi «doğacaqlar»?
Gətirdikləri kinoloqları anladıq, bölgədə «köpəkləri» çoxdur. Həm də oradan-buradan yığıb bir ucdan Xankəbdinə daşıyırlar ki, 100 minlik şəhər qayırsınlar. Aldığımız məlumata görə, 1960 nəfərlik kontingentin real sayı artıq 5000 nəfəri ötüb. Özü də bu kontingentə xidmət edən həkimlərin sayı günbəgün artmaqdadır. Dərənin xəlvətliyini görən Şoyqu və Putin bu sayı 10 minə çatdırmaq barədə xəyallarını ortaya qoydular. Sonradan bu fakt uğursuzcasına təkzib edilsə də, bu bir həqiqətdir. Artıq Krasnodartsax Federasiyası (RF-artsax müdafiə ordusundan danışmağa son qoymayınca, Rusiyanın adını bu cür yazmağı təklif edirəm-red.) öz protektoratını yaratmaq iddiasını və hikkəsini ortaya qoyub. Bu gün biz «artsax müdafiə ordusu» adı altında gizlənən Rusiyaya qalib gəlmişik. Özü də ballistik raketlərdən və hələlik açıqlanmayan «İsgəndər»dən istifadə edilmiş bir savaşda Rusiyanı məğlub etmişik. 10-15 milyonluq silahlarla 4 milyardlıq rus «metallomunu» dağıtmışıq. Amma nəticə bu zəfərə uyğun gəlmir.
Daxili kommunikasiyaları açmaq bəyanatı imzalayan Rus imperializmi ölkənin daxilində problem yaradıb. Şuşa azad edilib, yolu yox. Kəlbəcər və Laçın da həmçinin. Hərbçilər yaxşı bilirlər ki, həm savaşın gedişində, həm də sonrakı savaş hazırlığında başlıca amil hərbi yolların keyfiyyəti və kimin nəzarətində olmasıdır. Şuşaya yol Xankəndindən, Laçına yol Şuşadan, Kəlbəcərə yol Ağdərədən keçir. Bu keçmirsə, hədəfimiz hər kəsə bəlli olmalıdır. Düşmən Rusiyadır! Xocalıda 63 uşağı qətlə yetirib, 76 uşağı yaralayan qatil, elə Xocalıda məktəb təmir edən və Xocalı aeroportunda modul mərkəz tikən Rusiyadır. Hələ yanvarın 10-da Xocalı aeroportunu açmağı planlaşdırmasını deyib qanınızı qaraltmaq istəməzdim. Hələ Xocalı qatillərindən olan və rusların cinayət ortağı, terrorçu tör-töküntüsü Vitali Balasanyanın «qanunsuz hərbiləşmiş terror qruplarının bundan sonra Müdafiə Nazirliyinə deyil, onun rəhbərliyində olan Təhlükəsizlik Şurasına tabe olacağını» bəyan etməsini də demirəm. Bu zavallı elə bilir ki, bu dəfə də içimizdəki qohumları ona yardımçı olacaqlar…
Bir xatırlatma: V.Savelyev öz arayış qeydlərində, xüsusən də ermənilərlə ruslar arasındakı əlaqəni sübut edən sənədlərin bir hissəsinin 1 mart 1992-ci ildə 1-ci Zaqafqaziya Hərbi Dairəsinin aviasiya komandiri general-mayor Lukaşovun əmri ilə yandırıldığını bildirmişdi.
«…Ermənilər azərbaycanlıların cəsədlərini Rusiyaya məxsus 02-19 MM nömrəli KamAZ-a doldurdular. Sonra Xocalıda od vurdular …Bir insanın öz növünə qarşı nifrəti bütün sərhədləri aşmışdı. Bu nifrətin haradan gəldiyini anlaya bilmədim. Rus ordusunun ermənilərə qoşularaq azərbaycanlıları güllələyib zövq alan zabitlərinin adlarını açıqlamaq istəyirəm:
Polkovnik B.Baymukov – vəkil. alay komandiri;
Polkovnik I.V.Moiseyev – birinci tabur komandiri;
Mayor S. I.Ohanyan – ikinci tabur komandiri;
Mayor E.A.Nabonik – üçüncü tabur komandiri;
Mayor V.I.Çitçiyan – 1-ci Taburun Baş Qərargah rəisi;
Mayor V.G.Xayriyan – alayın kəşfiyyat rəisi;
Baş leytenant O.V.Mirzoyan – rota komandiri;
Baş leytenant S.V.Xrinxua – kəşfiyyat şöbəsinin müdiri;
Baş leytenant V.N. Qarmaş – bir tank heyətinin komandiri;
Baş leytenant R.T.Xakonyan – rota komandiri;
Baş leytenant V.A.Azizyan – batareya komandiri;
Leytenant V. I.Bondarev – müavin. kəşfiyyat rəisi;
Leytenant A.I.Kuçov radiokimya bölməsinin müdiri, eyni zamanda daha 41 erməni millətindən olan zabitlər”- deyə V.Savelyev yazmışdı.
Onun sözlərinə görə, 24 fevral 1992-ci ildə zabitlər qarşısında danışan General Zarviqarov bölgədəki müharibənin torpaq uğrunda olmadığını, Xristianlıq və İslam arasındakı müharibə olduğunu söyləmişdi.
«…Bunu yazmaya bilmərəm. Ana və uşaqların, hamilə qadınların güllə yaralı cəsədlərini unuda bilmərəm. Qoy azərbaycanlılar məni o qanlı hadisələr zamanı heç nə edə bilməməyimə görə bağışlasınlar. Yalnız Kremlə gizli bir məlumat göndərdim və Müdafiə Nazirliyinin generallarına məlumat verdim». Mən onlara yazdım: «Oxuyun və görün bir rus zabitinin şərəfi necə aşağılanıb…»
Bu vicdanlı rus politoloqunun fikirlərini xatırlatmanı ona görə etdim, biləsiniz ki, ruslar bu gün də yeni bir neçə qatil «366-cı polk» yaratmaq eşqinə düşüb. Daşınan hərbçilərin və həkimlərin arasında erməni mənşəlilərin yetərli çəkisi var. Əmək haqqları 2000 USD olmaqla bölgəyə ezam olunublar. Bax, bunu demədi, deməyin. Vaxtında bizlərə deyən olmadı. Çünki 4 yanımızı xainlər sarmışdı. Amma bu gün bütün müharibə iştirakçılarını Rusiyanın 7-ci ordusuna, 366-cı polkuna və Pskov könüllülər polkuna qarşı döyüşmüş əsil döyüşçülərə səslənirəm. Susmaq xəyanətdir.
Qarabağa gətirilən həkimlərin sayına gəlincə, bu, Rusiyadakı statistik göstəricini dəfələrlə üstələyir. Rusiyanın özündə hər 1000 nəfərə 4,6 həkim düşür və bu statistik göstəriciyə görə Rusiya dünyada 1-ci yeri tutur. Deməli, bu göstəriciyə uyğun olaraq Rusiya Qarabağa 10 nəfər həkim göndərməliydi. Bu tibbi briqadada təmsil olunanların sayı məxfi saxlanılır. Əldə etdiyim ilkin məlumatlara görə, bu tibbi personalın arasında təkcə 12 nəfər ginekoloq var. Rus «soldatları» doğrudanmı buraya «doğmağa» gəliblər?
Doğrusu, 21 nəfər kinoloqu başa düşdüm, amma bu ginekoloq məsələsini anlaya bilmədim. Bölgədə Rusiya yetişdirdiyi «köpəklərə» xidmət üçün kinoloqlara ciddi ehtiyac duyulacağı başadüşüləndir. Quduranı var, xəstəsi var…
Krasnodartsax Federasiyasının ermənipərəst mediası bu sahədə həkimlərin sayını da gizli tutur. Məsələn, «Hərbi həkimləri aparan İl-76 təyyarəsi öncə Xabarovsk şəhər aerodromundan İrəvana uçdu. Ümumilikdə, Şərq Hərbi Dairəsinin xüsusi təyinatlı tibbi dəstəsini yerləşdirmək üçün 122 (Təkcə xüsusi təyinatlı tibbi personala xidmət edəcək heyət 122 nəfərdir – ???) hərbçi, 54 ədəd avtomobil və xüsusi texnika, 66 ton material Dağlıq Qarabağa göndəriləcəkdir». (Tvzvezda.ru 11/30/2020)
Vereleg (07.12.2020) xəbərlər portalı yazır: «Xüsusi təyinatlı tibbi dəstənin şöbələrində hərbi cərrahlar, anestezioloq-reanimatoloqlar, terapevtlər və epidemioloqlar daxil olmaqla 60-dan çox tibb mütəxəssisi çalışır». Əgər belədirsə, 60 nəfər həkimə 122 hərbçi niyə xidmət etməlidir ki?
Ermənipərəstlikdə öncül, ermənidən pis erməni olan Kolerovun «Regnum» xəbər portalı yazır: «Tibbi qrup 40 nəfərə qədər xəstəni yerləşdirməyə hazırdır. Xəstəxana ventilyasiya, ultrasəs və rentgen daxil olmaqla bütün lazımi tibbi avadanlıqlarla təchiz ediləcəkdir. Stepanakertə gələn həkimlər qrupuna ümumi praktiklər, epidemioloqlar, anestezioloq-reanimatoloqlar və cərrahlar daxildir.
Krasnodartsax (RF) Müdafiə Nazirliyindən verilən məlumata görə, Yeni il münasibətiylə Xankəndinə gələn (açıq qapıdı, Peqov da gəlir, Batayev də – red.) tibbi xidmətin rəisi Oleq Batayev həkimlərin Rusiya hərbi personalının və Dağlıq Qarabağ əhalisinin sağlamlığının möhkəmləndirilməsində böyük töhfəsini qeyd edib. Bundan əlavə, onlara peşə karyeralarında uğurlar arzulayıb. (Ren.tv 01.01.2021)
Burada sual yaranır: Əhalinin tibbi sağlamlığına, niyə bu «sülh qarğaları» baxmalıdırlar ki?
Bilmək lazımdır ki, ruslar girdikləri heç bir ölkədən öz xoşları ilə çıxmayıblar. Ən yaxşı halda hörmətsizcəsinə qovulublar və yaxud da mövcud diqtələrə tabe olmağa məcbur olublar. İçimizdəki kolon yetimçələri rus təbliğatı apararaq bəyanatdakı bir-birinə zidd müddəaları şərh edirlər. Bu günədək 40 min erməni qaraçısını daşıdığını elan edən bu «sülh qarğaları» neçə azərbaycanlı köçkünü öz yurduna qaytarıb? Rusiya ədalət hissi olmayan və dünyaya bədbəxtliklər yaymaq üçün qondarılan bir Pandora qutusudur. Ondan ədalət gözləməyin. Yaxud da içimizdəki çarəsiz pasefist liberallar beynəlxalq qanunlardan dəm vururlar. 30 ildə o qanunları yaxşı gördük. Özlərindən başqa kimsəyə xeyri yoxdu. Qaldı ki, Rusiya dünyada fahişəliyi qadağan edən bir ölkədir. Amma bu o demək deyil ki, Rusiyada fahişə yoxdur. Adamın ağzı əyilər. Hələ bizim 5-ci kolonun lap başına göydən daş da yağar.
Yadıma rus-sovet ordusunun Qarabağa ayaq açdığı 1988-ci il düşdü. Bir yay səhəri rus «soladtlar» kəndimizi mühasirəyə alıb evlərə soxulub silah axtarırdılar. Miri adı 12-13 yaşlı bir uşaq evdəki silahı götürüb qaçanda ona yetişən kapitan və «soldat» uşağı vurmuşdu. Böyük qardaşım Nizami etiraz edəndə bu kapitan qardaşımı həbs etməyi «soldatlara» əmr verdiyini görüb ora yetişdim və mübahisə etdik. Bildirdim ki, hərbi komendatlığın silahsız mülkü şəxsi həbs etmək səlahiyyəti yoxdur. Mübahisədən və qarşılıqlı söyüşlərdən sonra qardaşımı buraxdılar. Məni hədələyib kobud şəkildə «я тебе припомню» deyə anqırdı və ona Yazova yazacağımı dedim. Aralanıb bir «soldat» özbəyə yaxınlaşdım, o bu kapitanın soyadını bilmədiyini dedi. Ruslar da demədilər. Bu ara mənə bir çeçen yaxınlaşıb onun adının Dmitriy, soyadının isə Dovjenko olduğunu deyib getdi. Soldatlar gethagetdə dedim: «Dima, tı toçno skoro budeş pripomnit obo mne». O vaxtkı SSRİ-nin Müdafiə naziri Dmitri Yazova «şanlı» bir məktub yazdım və məktubda kənddə rus soldatlarını 12 yaşlı uşağı vurmalarını faşistlərin hərəkətləri ilə müqayisə etmişdim. 10 gün keçməmiş həmin kapitanı bir rütbə aşağı salmaqla gəldiyi hərbi hissələrinə geri göndərmişdilər.
Rus həmin rusdu, amma bizim onlara söz demək şansımız belə yoxdu. O tabasaran Muradov da erməni separatçılarla öpüşməkdən günbəgün Vartana bənzəməkdədir. Aidiyyəti orqanlar isə köhnə dəyirmanda öz dənlərini üyüdürlər. Araz aşıqlarından, Kür topuqlarından. Türkiyənin müşahidə sistemi təcili qurulmalıdır…
Bizim ölkədə hər kəs yaxşı bilir ki, erməni demək, elə terrorçu deməkdir. Erməni demək, elə rus şovinizminin görünən sifəti deməkdir. Sübut üçün uzağa getməyin Ağdamın, Füzulinin və qeyri yerlərdə Kornif xarabələrini xatırladan məkanların durmadan təbliğatı yetərlidir. 12 min insanımızı şəhid etmiş, minlərlə insanımızı yaralamış, yüzlərlə insanımızı qul kimi əsir alıb saxlamış, orqanlarını satmış bir toplumda günahsız kimsə tapa bilməzsiniz. Qanmaz rus mujikinin ağlınca, bəs terrorçu necə olur? Amma bizim dərdimiz özgə. «Qarnı başdan öncə gələnləri» bu işlər maraqlandırmaz…
Иван, лучше иди домой! Ya da törətdiyin cinayətləri, tökdüyün qanları yumaq üçün üstümüzə 200 ildir qısqırdığınız məxluqları gətirdiyiniz kinoloqların köməyi ilə daşıyıb öz Krasnodartsax Federasiyanıza aparın. Qafqaz pisliklərdən qurtulmaq istəyir…
O zaman, alman atanız Dəli Pyotru söydüyümüz kimi, rus Putinə rəhmət oxuyarıq. Amma Putinin sözü heç erməniçiliklə zəhərlənmiş Rusiya efir məkanına yetmir…
Xaqani Ədəboğlu
AVMVİB Mətbuat Xidmətinin rəhbəri, II dərəcə Vətən müharibəsi əlili
https://fedai.az/?p=25420