AXCP Rəyasət heyətinin üzvü Fuad Qəhrəmanlı
Putin hazırda Aleksey Navalnıya ən çox lazım olanı edir. Navalnıya nə lazımdır :
- Siyasi həbs Putinin Navalnını özünə əsas rəqib hesab etdiyini göstərərək, ölkədə dəyişiklik istəyən əksər narazı qüvvələri onun liderliyi ətrafında təmərküzləşdirəcək. Bu klassik qızıl qaydadır, avtoritar rejimlərdə birləşdirici, vahid lederə çevrilməyin yolu, rejimin əsas təzyiq hədəfi olmaqdan keçir.
- Rus cəmiyyətinin siyasi aktivliyi yetərli olmadığı üçün, Navalnının həbsinə görə Qərbdən gələcək sanksiyalar Putin hakimiyyətini zəiflədib, ölkədə sosial narazılıqların genişlənməsinə zəmin yaradacaq.
- Navalnı Putinin həbsdə olduğu müddətdə əzabkeş, xalq üçün mərhumiyyətlərə dözən lider obrazı ilə, həm ölkə daxilində, həm də beynəlxalq səviyyədə daha böyük populyarlıq qazanacaq.
- Navalnınının həbsində Putin ağlı ilə deyil, bütün avtoritar liderlər kimi hikkəsi və qorxusu ilə qərar verdiyi üçün, Rusiya ictimai rəyində rəqibindən qorxan, özünə güvənməyən bir lider kimi harizmasını sarsıtmış olacaq.
- Navalnının indiki beynəlxalq şərtlər çərçivəsində həbsi, Qərbə Putinin “Böyük Rusiya” vətənprvərliyi ilə hasarlanmış rus ictimai rəyinə müdaxilə etmək və ölkə gündəminə insan haqları, demokratiya məsələlərini ineksiya etməyə imkan verəcək.