25ناير .. ثورة صحتني
الثورة بإجمال غيرت نظرتي للدنيا ...كان عّندي وقتها ٢٤ سنة ...
قبل الثورة كنت بحس كتير اوي ان البلد دي مش بتاعتي هي لناس معينة بس ....اسة الموضوع مش مستاهل اننا نتكلم ...حسيت انه حتي في الكلام هما اللي حاطينلنا سقف ...سقف للطموح للتفكير للتواصل...كل حاجة...بعد الثورة كل ده عّندي اتغير... وأدرجت ان احنا اللي ممكن نتحكم في مصائرنا
كان عّندي فقدان ثقة عّن قدرتنا كمجموع يعني انا وانتي ننجح في شغلنا الخاص او الوظيفة انما انا وانتي وجيلنا ننجح في عمل جماعي ونقدر نشيل ديكتاتور !... كنت في الميدان يومها ومبقيتش قادرة افهم ...هو ده بجد!!!
الحقيقة قبل الثورة مكنتش مصدقة ان كل الناس المجهولة المغمورة اللي في الميان دي بتحب مصر...وان الناس المشهورة اللي بتتغني في حب مصر بمقالاتها وخطبها أشعارها وتصريحاتها .. كلماتهم دي لا تتجاوز حناجرهم!... وكلها كذب !.. اتعملت ان الاعلام بيكذب
الثورة خلتني اكتر وأشد وعيا في اختياراتي السياسية..بقيت عاوزة اختار رئيس مثلا...بدل ما بقيت اسال ده شهرته ايه ...بقيت اسال برنامجه ايه ... لان لو كان عندنا خطة واضحة بعد الثورة
وكمان في اختيارات الحياة ...خلتني اسال نفسي دايما وماذا بعد ؟!.. مبقيتش انبهر بالظاهر وبقيت أدور دايما عالنتيجة هيكون شكلها ايه ...
خلتني قوية ودايما عّندي نظرة ان مفيش حد ولا حاجة اكبر من إادتك... وأننا لو عاوزين نعمل حاجة هنعملها... ولو عاوزين نتخلي عّن شخص مؤذي في ياتنا هنتخلي عنه ونتحمل النتائج عادي..
إجمالا بقيت اقوي بعد الثورة وقلبي جمد ...لاني كنت ساذجة جدا زمان
في اصدقائي بعدتني عّن المتطرفين من كل النواحي ...اللي مؤمن اوي لدرجة التعصب والشتيمة بنظام مبارك او بالحكم الديني او بالحكم العسكري ..معادش عّندي طاقة .. يعني انا حتي الان عّندي ناس من كل التيارات وبيحترموني عالمستوي الشخصي وبحترم اختياراتهم كمان
لكني أميل للثوار ...بحس ان دماغنا قريبة..
عيلتي ...بطلنا نتكلم في السياسة لاني غالبا بطلع صح وبيستكبروا يظهروا غلطانين😂😂
بس مفيش مانع بين فترة والتانية اوصللهم معلومة كدةً
